Ads by Google Ads by Google

E manatua pea le Afioga a Bishop Emeritus John Quinn Weitzel


[ata: foa'i]

Pago Pago - AMERIKA SAMOA

 

Ole sauniga lotu faapitoa e manatua ai pea le soifua galue ole afioga Bishop Emeritus John Quinn Weitzel - sa avea ai ma Bishop muamua o le Puleaga a Samoa Pago Pago o le Ekalesia Katoliko i le teritori - sa faia i le aso ananafi i Chicago, Illinois, pei ona faailoa mai e le pepa o faamatalaga a le Puleaga. 

 

O le sauniga lotu, sa taitai e le afioga Bishop Peter Brown, o le ta'ita'i ole Ekalesia Katoliko ile Teritori, i St Lukes Parish, River Forest, Illinois.  Sa faaaofia ai ma vaega o le aganuu faa Samoa i le sauniga - pei o le ie Samoa ole taulaga, o viiga ma vaega o le sauniga o le'a faa Samoa. 

 

O le afioga Bishop Quinn na faaee iai le suafa Vaopunimatagi, ile taimi o galue i le galuega i Falealupo Savaii, ma na maliu ile aso 30 o Tesema 2022, i Niu Ioka , i le 94 tausaga o lona soifua. 

 

Ua malaga atu ai le afioga Bishop Brown ile po o le Aso Tofi talu ai, i Illinois, ma latou feiloa'i ai ma sui o le Diocese mai Samoa, ma se vaega oi latou na galulue ai i lalo o le afioga a Bishop Quinn.  E iai foi tagata Samoa o loo nonofo i vaega i Sasa'e o Amerika i matu, ma tagata lotu atu i Samoa o le'a auai ile sauniga. Ua iai foi le fuafuaga a le afioga i le faipule o Ameirka Samoa i le Konekeresi, Uifaatali Amata. 

 

Ae i Amerika Samoa, sa faia le Sauniga e manatua ai lana afioga Bishop Quinn i le Holy Family Cathedral , i Fatuoaiga i le Aso Gafua o le vaiaso lenei.