Ads by Google Ads by Google

Faailoa fuafuaga Foma’i Sili, a le Falema’i o le LBJ


[ata: SN]

Pago Pago - AMERIKA SAMOA

 

Ua faailoa mai ele Taitaifono o le Komiti Fa’afoe o le puleaga a le falema’i o le LBJ, Dr Malouamaua Tuiolosega, i le Samoa News, fuafuaga faataatitia ale Foma’i Sili fou, Dr Joseph Shumway, mo galuega faatino i le maota gasegase.

 

E taunuu le folasaga a Dr. Shumway ae ua tuana'i atu lipoti o masalomia ai se sainigalima a se vaega o le Fomai sinia o le LBJ, ise taumafaiga e aveese le Komiti Faafoe a le falema’i o loo i ai nei talu le tofiga o le Foma’i Sili fou (Chief Medical Officer), ma le faamavaega a foma'i sinia e to'alua i le vaiaso talu ai. 

 

I le imeli ole asso 29 o Ianuari 2023, faatuatusi i le Sui Taitaifono o le komiti fa’afoe o le LBJ, Dr Jean Anderson, sa folafola ai e Shumway , e uma ane loa le vaega o le faamasaniga, o le'a ia faia loa se iloiloga mai luga i lalo, o le falema'i ma ona vaega uma, e faaaoga iai le Commission Accreditation Standards o loo faaoga i le taimi nei. 

 

"Ma ole 'a ou faailoa aloaia atu foi le taunuuga o lena iloiloga i le Board ma isi vaega o loo fia silafia , e mautinoa ai o loo iai le silafia lautele. 

 

"E tatou te mana'omia lava ona malamalama muamua i le tulaga o loo iai le falema'i, ona faatoa mafai lea ona ave le faataua i tatou taimi ma tupe o loo faaalu e maua mai ai se taunuuga sili atu lelei.

 

"Ma o le'a faamaufaailogaina ai foi le amataga o le tatou faigamalaga i luma ma ona itu e faaleleia ai. Ia atinae i luga ole fuafuaga e manuia ai le lumanai o le LBJ.

 

"O le a faia foi ni feiloaiga ma le aufaigaluega uma a le Soifua maloloina, e fetufaa'i finagalo faaalia mo le faaleleia atili o galuega faatino ae o nisi metotia e atagia ai se suiga i aga masani ai ale aufaigaluega a le LBJ.  

 

"O le'a ou faalogo ia latou, fesoasoani iai, ma fai se auala e latou te iloa ai le taua o a latou galuega faatino.  oute talitonu i le "Patient Centered Care”.

 

O le imeli lea a Dr, Shumway o taua ai lana fuafuaga e galulue faatasi ma le Matagaluega ole Soifua maloloina, e faaleleia ana faamaumauga uma tau soifua maloloina, mo Amerika Samoa. 

 

E manaomia ai lava le sootaga o le gasegase ma le tagata o iai le tomai faapitoa, ma oute mana'omia ai foi le lagolago mai ale Pulega o le Soifua maloloina a Amerika Samoa, ia faigofie ai ona faatino se galuega i ona itu ma'ale'ale.    

 

"E taua foi le maua o le fesootaiga ma a'oga, pei o le aoga faafoma'i, ae ose sootaga foi ma aoga maualuluga e maua ane ai volunteers poo latou o o loo fia avea ma tagata e fia galue i galuega faa fomai.

 

“O le ki lena i le lumana'i mautu mole fausia o se Pulega faa le Soifua maloloina mausali mo Amerika Samoa  

 

"E tele lava vaega e tatau ona fai, ae o le'a ou galue ia maua se sootaga va lalata male Senate ae o le Pulega o le malo o Amerika Samoa. 

 

“O le'a mana'omia ona maopo lelei lena sootaga ia mautinoa ai le maua o togafitiga ma se auala e faatino ai le galuega mo le soifua maloloina. 

 

"Faapena foi ona maua se falema'i e tali atu i manaoga, ma ave le faamuamua i gasegase, o le aia tatau lena a tagata uma o Amerika Samoa.  

 

Ae le gata ai i lena, ua folafola foi e Dr Shumway le tatau ai ona iai pea fomai ma tausi soifua e faaaauauina le galuega pe 'a oo ina malolo litaea i latou o iai tomai faapitoa ma tausoifua. 

 

“Ae mo le taimi nei, o loo iai le aiaiga e tatau ai ona ave tamaiti aoga e to'a lima i le tausaga , fua i le maua o le faatupega  mai le Ofisa o le Kovana mo Tagata popoto faapitoa i mea tau soifua maloloina." 

 

U ia faamautinoa , o lona faamoemoe ia galulue faatasi ma le CEO, CNO, Nursing School Administrator ma le Presetene o le American Samoa Community College, ia mautinoa e faaauau ai pea le aoga faafoma'i, ma ia faauu uma tagata e aooga faa tausi soifua. 

 

"Ma ia taulamua e galulue faatasi ma supervisors  o le Imaging Department, Laboratory, Pharmacy, Respiratory/Cardio, Ophthalmology, ESRD/Dialysis, ma isi vaega o le  LBJ ia mautinoa le faauau ai pea o polokalame o aoaoina i totonu o le Amerika Samoa ma fafo atu, e aooga ai tagata o loo faigaluega i le matagaluega, ia ausia uma le maualuga e tatau ona iai.  

 

“Ia taulamua foi  i le faaauau ma le mata'ituina o le atoatoa ole auaunaga mo gasegase i togafitiga fou ma sili atu. 

 

"Ia taulamuau i le suesuega ma le taumafai e fuafua se auala pe mafai ai e le LBJMTC ona faatino ai togafitiga pei o le Chemo-therapy , e le toe tau malaga ai o tatou tagata i fafo mo lena laasaga ole togafitiga o le kanesa. 

 

"Fesoasoani i le aumaia oni U.S. Certified Providers, Board medical physicians (MD), ma fesoasoani i le aufaigaluega a le falemai ma faamautinoa  oloo atoatoa uma auaunaga i vaega eseese o le LBJ, i auaunaga maua.  “Ma isi itu o loo mana'omia e le Pulega poo le Governing Board of Directors , tiute o le CMO.” 

 

O tusia foi e le Dr Shumway i lana imeli ia Dr Anderson, lona faamoemoe e faalautele atu le faaagoian o le TeleMdicine e fesoasoani ai i tagata poto faapitoa , i togafitiga o gasegase ae o le auala o le togafiti e sili atu ona aoga mo le gasegase. 

 

O le konekarate a Dr Shumway e tolu tausaga na saini ile aso 29 o Ianuari 2023, ma lona totogi e $220,000.