Ads by Google Ads by Google

Fa’ailoa manaoga StarKist fa’afaigaluega tagata tomai fa’apitoa mai Samoa


[ata: foa'i]

Pago Pago - AMERIKA SAMOA

 

Ua fa’ailoa e le StarKist Samoa le fiafia e fa'afaigaluegaina tagata faigaluega fa'apitoa ma isi tagata faigaluega tomai fa’apitoa mai Samoa. Ma o le mafuaga fo’i lea ua tagai ai le StarKist Samoa i fanua o lo’o fa’au’u mai i a’oa’oga fa’apitoa ma matata eseese (TVET) i le Iunivesite Aoao o Samoa - le NUS (National University of Samoa). 

 

Na lipotia e le nusipepa a le Malo o Samoa - Le Savali -  e fa’apea, o se faiga fa’apaaga e aloaia ai avanoa faigaluega i le va o le StarKist Samoa ma le NUS o loo fa’agasolo pea i le taimi nei.

 

Ma o nei fa’aiuga, o le mae‘a ai lea o le feiloaiga a le aumalaga mai le StarKist Samoa mai Amerika Samoa ma le sui o le NUS ma le Peresetene o Aiono Polofesa Alec Ekeroma ma lana vaega i le amataga o le masina nei i Papaigalagala i Samoa. 

 

Fa’ailoa e Aiono, o le StarKist Samoa, e silia ma le 2,000 tagata faigaluega - sili atu i le 95% o tagatanuu a Samoa - e mana’omia e i latou le fa’afaigaluegaina o palama, fai eletise, kamuta, uela ma isi galuega. 

 

Na fa’amamafa e Aiono e faapea, e ui o le fa’amuamua a le NUS o le fa’afetaia’ia lea o manaoga o tagata faigaluega a Samoa i pisinisi tau fefa’atauaiga, ae o le manaia o totogi o lo o ofoina mai e Amerika Samoa ona o le malosi o le tala Amerika o se luitau lea.

 

“O totogi e sili atu nai lo le mea e mafai ona matou ofoina atu i le lotoifale ua ofoina mai,” o le tala lea a Aiono i le  Nusipepa a le Savali. “O le a matou fesoasoani ia i latou faʻauʻu e ala i le fesoʻotaʻi atu ia StarKist o loʻo fuafua e i ai i le atunuʻu i le taimi o le matou faʻauʻuga TVET ia Tesema."

 

E le o se mea lilo le maualuga o totogi maualalo amata e ofoina e Amerika Samoa, mo fale’ia, e pei o le StarKist Samoa, ona o lo’o fa’atulafonoing e le fetarale. 

 

Mo se fa'ata'ita'iga, o le totogi maualalo amata a Samoa i le 2022 e $3 i le itula pe a fa'atusatusa i le totogi maualalo a Amerika Samoa mo fale’ia e US$5.56 - pe latalata i le $18 tala Samoa. 

 

Ae o avanoa ua tuuina atu e le na’o fanau aoga a le TVET, o se tala lea a Aiono i le nusipepa o le Savali. 

 

Sa fa’ailoa foi e Aiono, o le talanoaga lea na amata mai i le mae’a ai o fonotaga a le Pulega a le Atoa o Samoa i le va o Samoa ma Amerika Samoa, o lo o fa’aauau pea ma isi matagaluega i le teritori o lo’o fa’ailoa le fia faigapa’aga e ono fa’a faigaluega ai.

 

Mo se fa’ata’ita’iga, o lo o mana’o le Matagaluega o A’oga a le teritori e fa’atatau i o latou faiaoga ma mana’oga mo a’oa’oga, ma o le a talanoaina i le isi fonotaga lea ua fa’atulaga mo Tesema, o le saunoaga lea a le Pule o le NUS.

 

“O le au fa’au’u a le NUS fa’atasi ai ma tagata faigaluega fa’apitoa ma agava’a ma fa’ailoga tau pulega ma fa’amaumauga o lo’o fa’atatau i Amerika Samoa,” o lana fa’aopoopo lea.

 

O le fonotaga a le Atoa o Samoa na faia i le va o le malo o Samoa ma Amerika Samoa, na toe fa’afouina ai le agaga o le malo e toe taula’i atu ai ma toe asia mataupu o lo o fiafia i ai, lea e ofoina atu ai fa’amanuiaga felagolagoma’i mo tagata nonofo i Samoa e lua.