Ads by Google Ads by Google

Fa’atulaga aso pesepega Kerisimasi a le Arts Council mo fa’alapotopotoga


[ata: foa'i]

Pago Pago - AMERIKA SAMOA

 

Ua fa’amaonia e le pule o le Ofisa ole Arts Council ia Tasi Sunia, aso ua fa’atulagaina mo pesepesega ma fa’afiafiaga o le Kerisimasi mo lenei tausaga mai ekalesia, autalavou, aoga, ma isi fa’alapotopotoga ole atunu’u. 

 

O Tesema aso 4 Lea ua fuafuaina mo pesepesega o le Kerisimasi a matagaluega ma ofisa o le malo, e oo atu ia Tesema aso 6. 

 

Ae  o le aso 7 o Tesema, e tatala ai pesepesega o le Kerisimasi mai fa’alapotopotoga eseese, e o’o atu ia Tesema aso 9. O ia pesepesega e faia i le Malaeoletalu i Fagatogo, i le Pavilion.

 

O pesepesega a ofisa ma matagaluega a le malo o lo’o fa’afoeina mai e le malo. 

 

“O tausaga uma lava ua na’o autalavou ma so’o se fa’alapotopotoga o le atunu’u sa fa’afiafia ma pesepese i lenei polokalama mole Kerisimasi,” o se tala lea a Sunia i se talanoaga ma le Samoa News i le Aso Gafua.

 

“Ae peita’i sa fa’atonu ina le matou matagaluega ma aumai fo’i le suiga mai le afioga i le Kovana ia Lemanu P.S Mauga e fa’apea e tatau ona pesepese fo’i ia Matagaluega a le malo,” o se vaega lea o le saunoaga a Sunia. 

 

Sa fa’ailoa fo’i e Sunia e fa’apea, o le taimi nei ua 23 aufaipese a le atunu’u ua maea ona resitara ae e le o fagata ina le resitara o lo’o tatala pea mo so’o se Aufaipese ma fa’alapotopotoga ole Atunu’u.

 

Mo se fesili i lenei polokalama fa’afesoota’i le Arts Council i le 633-4490/633-5613.