Ads by Google Ads by Google

“Mae’a soalaupule ma faamama tuua’iga o lona atalii,” Mrs Aniseko


[ata: foa'i]

Pago Pago - AMERIKA SAMOA

 

E le’o taliaina e le tina ia Theresa Aniseko faamatalaga a le Sui Komesina o le Matagaluega o le Saogalemu Lautele e faatatau i lona atalii 

 

Na ta’ua e le tina lea o lona atalii, o Samuelu Aniseko ua 16 tausaga le matua, ae le lata ise 20 tausaga pei ona faailoa e le Sui Komesina o Leoleo, Susuga a Vaipuna Foifua Jr.

 

“Ma lesi itu, o loo iai lava lo’u atalii ile fale, ae lei oo atu lava leoleo e su’e. Ma e silafia lelei lava foi e leoleo le matou fale, mai le tausaga talu ai na vaai ai foi i lo’u atalii,” o se tala lea a le tina ile faatalanoaga ma le Samoa News ile vaiaso talu ai. 

 

Peita’i na ta’ua e le Sui  Komesina  o Leoleo, i le vaiaso ua te’a, o lo’o tau sailia e leoleo fa’amatalaga e fa’atatau i lea alii. Fa’aalia e Foifua, o lo’o masalomia lea ali’i i le taumafai e ave fa’amalosi se isi tagata ma o lea mataupu sa lipotia atu i leoleo i le masina o Tesema o le tausaga ua te’a, ae e le’i maua lava. 

 

Na oo mai le tina o Samuelu i le ofisa o le Samoa news i le Aso Faraile, ina ia faamalamalama le tuuaiga faasolitulafono o le atalii. 

 

Ua uma ona “solaupule” mea uma le latou tuaoi i Futiga, lea na faaulua le tagi faasaga i le atalii. 

 

“Ua uma ona soalaupule mea uma lava, peita’i ua ofo i le faamatalaga faalauaitele a le Komesina o leoleo, o loo su’e la’u tama,” o se tala lea a le tina i le Samoa News.  

 

“Sa ma o ma lo’u to’alua i le ofisa o leoleo e feiloa’i atu ia Foifua, ae faapea mai le tala a le Oifsa sei tilotilo iai, ae le’i maua se ma avanoa e talanoa ai ile Sui Komesina.”

 

O le isi popolega ole tina, ona ole faapea mai o leoleo o lona atalii, ua lata ina atoa lona 20 tausaga, ae leai , o lona atalii, e 16. 

 

“E le sa’o lena tala. Ua 16 le alii. O lo’u atalii sa taofia ile fale faapitoa mo le vaega talavou,( Juvenile Detention Center) mo le iva masina , peita’i na faaleaogaina le mataupu ma mamā ai foi lona moliaga”

 

O le talanoa a le tina lea, pau lona manaoga ia faamama le igoa o lona atalii, ona e leai sona sootaga i le tuuaiga a leoleo.

 

Mai lena taimi na aveesea ai e le Samoa News le tala mai luga o lana Website, ma isi upega tafa’ilagi, talu ole atalii e laititi, ma sa le tatau lava foi ona faalauiloa lona ata.

 

Ua agalatatau ai le faatoesega a le Samoa News sa tuuina atu ile faletua, Mrs Aniseko, o lona alo ma lo la aiga. 

 

Ma e oo mai ile taimi na tusia ai le tatou lipoti lenei, e le’i maua se tali fesootaiga ma le afioga i le Sui Komesina o Leoleo, e fa’atatau i le fa’amatalaga a Mrs. Aniseko.