Pago Pago - AMERIKA SAMOA

I le faamalamalamaga a le Pule ole Ofisa ole Kovana, Afioga a Loa Tuimavave, T. Laupola, o le ta'i $10,000 a le tagata o le au malaga a le Kovana Lemanu P.S Mauga i ana fono i Hawaii, North Carolina ma Washingto D.C., tuu faatasi, ua $80,000.  

Ua lua vaiaso o le malaga le Kovana ma tagata faigaluega i lona ofisa e toavalu, e aofia ai Loa ma isi ole aufaigaluega a le Ofisa o le Kovana.   

Na faamatala e Loa: "E mulimulita'ia lava e le Ofisa o Tupe le fua faatatau o tupe a tagata, pei ona iai i luga” United States General Services Adminstration - o se tasi o ofisa a le fetarale. 

"Ma o tupe uma lava e maua e le tagata usufono e fua i le umi, o mea e nofo ai, o taumafa, feoaiga ma isi" pei ona faamalamalama e Loa ina ua fesiligia e le Samoa News. 

Na ia taua e le 'ese mai ai tupe masani e maua e tagata usufono, lea e fesiligia. Ua faatulaga mo le taimi o fonotaga i Hawaii, North Carolina & D.C mo Ianuari ia Fepuari. 

"Ma sa feiloa'i atu le au malaga i tagata taitoatasi, e faatulaga avanoa ma faaauau faatalanoaga i le lelei o talavou o Samoa ma ona tagata. 

"O nisi o na fonotaga sa aofia ai faatalanoaga ma Seiuli Jesse Sapolu,” ma faasoa ma tamaiti aoga ole Univesite o Hawaii (Hilo & Manoa), ma Chaminade, feiloaiga ma le Peresetene  Lassner ole  UH-Manoa ma faatalanoaga ma le Peresetene o le  East-West Center Susuga a  Vares-Lum.

“O le feiloaiga ma le NTIA & FCC mo fesoasoani i fesootaiga televave ma le faatupega. 

“Faapena foi i fono ma le U.S Army Corps of Engineers ae o le a afea ai faapitoa le Kovana o Hawaii, Josh Green & Honolulu Mayor Rick Blangiardi.  

“O le vaiaso fou, o iai le fuafuaga a le au malaga e mata'itu vaa toso vaa e lua , ua tapena e lafo mai i Amerika Samoa. 

“Feiloa'i atu i fanau a Samoa oi le malo, ma o latou aiga, o loo galulue i Honolulu, & Ft. Bragg, NC o loo fuafua e oo atu iai. 

“O lesi vaega taua i D.C. e aofia ai le fono a le Asosi o Kovana ma le Interagency group,  mo Insular Areas, ma fono ma le Ofisa sili o le Starkist. 

"O iai foi le fuafuaga a le Kovana e lotu i D.C ma tapua'i ma mafuta faatasi ai ma fanau a Samoa o loo galulue i le malo ma nonofo ai i lena vaiaai."

Ina ua fesiligia pe mana'omia le malaga ai foi ole Failautusi a le Kovana ma lana aufaigaluega, na saunoa Loa, o le mea e tatau ona fai le auai o lana aufaigaluega i le au malaga. Peita'i na ia faamautinoa mai lava, e leai ni tagata Faatonu poo Directors o malaga ma latou. 

"O le aumalaga a le Kovana o le aso 10 Ianuari, e leai se Faatonu na alu ai. 

"E toavalu le aufaigaluega na malaga faatasi ma le Kovana mai Amerika Samoa. (o na tagata e tofu lava le tagata ma lana matafaioi e sootaga i le saogalemu, ma galuega faamaumau).

"O lesi vaega o le latou malaga atu i D.C o loo iai le Kovana, e iai foi a latou misiona e sootaga i a latou Matagaluega poo Ofisa e mana'omia lava ona iai.

"Ma e na'o le aufaigaluega lava e toa valu a le Ofisa ole Kovana o latou malaga.