Pago Pago - AMERIKA SAMOA

Na maliu se tama matua e 78 tausaga, na faataotolia i gasegase o le tino i lona aiga i Iliili, i le taeao o le aso Lua o le vaiaso ua tuanai, ina ua mu lo latou fale.  Sa faamaonia mai lea ripoti e sui malu o le malo na iai i le mea na tupu ai lea faalavelave.

Na mafai ona tu’ua e le afafine o lenei tama matua ia le fale, i le taimi na mu ai, ae peitai, sa le i mafai e vaega tineimu sa taalise atu e tineia le afi, ona faasaoina le tama matua.

Ua fa’ailoa mai i ripoti o lenei faalavelave, sa le’i gata ina faatafunaina le fale atoa, ae sa mu ai ma se taavale a lenei aiga.

Ma na fa’ailoa mai se taitai leoleo, ua feagai nei le ofisa a leoleo ma le suesuega o  le mafuaaga o lenei faalavelave ua maliu ai ma le tama matua.