Ads by Google Ads by Google

Molia ia Taleni Falefa’aea, faiaiga faamalosi i se tamaititi, 17 tausaga le matua


[ata: SN]

Pago Pago - AMERIKA SAMOA

 

O se alii mai Samoa, o lo’o i Amerika Samoa e faigaluega ai, ua molia nei i le faiaiga faamalosi i se tamaititi, 17 tausaga le matua.

 

O lo’o molia foi lea ali’i i le moliaga o le sauaga i le tulaga muamua ma le faaoolima i le tulaga tolu.

 

Ua filifili le Samoa News e aua ne’i ta’ua le suafa o le tama’ita’i na a’afia ona o le laititi o ona tausaga ma o lo o a’oa’o pea i le aoga maualuga.

 

O le aso Lua na tula’i ai i luma o le Fa’amasinoga Fa’aitumalo ia Taleni Falefa’aea, e 28 tausaga le matua, lea o lo o taofia pea se’i vagana ua totogi le $5,000 e tatala ai i tua e pei ona fa’atulaga e le faamasinoga. 

 

E tusa ai ma le tagi a le malo, o le faalavelave na tulai mai i le aso 25 Ianuari 2023, lea o lo o tuuaia ai le ua molia sa feiloai ma le ua aafia i luga o le upega tafailagi - le Facebook - ma sa la fuafua e feiloai i le auala o Blunts Point i Gataivai, Utulei.

 

E tusa ai ma fa’amaumauga a le fa’amasinoga, sa latou taunu’u atu i le nofoaga e amata ai le auala i Blunts Point ma savavali ai loa i luga o le auala. I le latou toe fo’i atu ai, na tau atu ai i se fale sima, lea na fesili ai le ua molia i le tamaitai na a’afia pe mana’o la te faiaiga.

 

E tusa ai ma le faamatalaga a le tamaitai na aafia, na te lei iloaina o le faamoemoe o le ua molia e asiasi i Blunts Point Trail o le faia lea o se faigaaiga.

 

“Na musu le na aafia e tali atu i le ua masalomia; ae ui i lea, sa fefe o ia ona o le eseesega o le lapoʻa o le tagata masalomia. E le gata i lea, talu ai ona o le mea moni e na o le to’alua lava i la’ua, e matua tu’ufua le nofoaga, ma e le o iloa fo’i e le tama’ita’i na a’afia po o le a le mea e mafai ona fai e le ua molia pe a fai e tali atu e leai,” o se fa’amatalaga lea o lo’o tusia i le tagi ale malo.

 

E tusa ai ma faamaumauga, sa fefe le na aafia ona e le mafai ona ia pulea le tulaga, o lea na ia fiu ai ma fai ioe i le ua masalomia "mo le saogalemu o lona soifua manuia."

 

Fai mai le tagi a le malo, o le taimi lea ma faiaiga fa’amalosi ai le ua molia i le tamaitai 17 tausaga. Ma sa taumafai le ua aafia e tulei ese le ua molia ae sa le mafai.

 

“Na lagona e lē na a‘afia le maasiasi ma le matamuli ona o lona mana‘o e ta‘u atu i se tasi le mea na tupu ia te ia ae ua lē mafai ona ua fefe tele ina ne‘i faamasinoina o ia i lea tulaga”.

 

Na fa’amatala e le tama’ita’i na a’afia i lona tina le mea na tupu i le aso na soso’o ai, ma o le taimi fo’i lea na ripotia ai le mataupu i leoleo.

 

O le faamatalaga a le ua molia i leoleo na faamaonia ai le mea na tuuaia e le na aafia i lana faamatalaga, e tusa ai ma faamaumauga.