Pago Pago - AMERIKA SAMOA

O le aso Tofi ua te’a na tula’i ai se tama-matua e 60 tausaga, Vasaga Fa’aui i le Fa’amasinoga Maualuga mo lana iloiloga i moliaga o le fa’ao’olima lea ile tulaga 2 ole faatupu vevesi lea i nofoaga faitele, male tulaga tolu.

O ana moliaga e faapea, sa taumafai o ia e sasa le ulu o se isi ali’i i lona to’oto’o. O le aso lulu Iuni 8 2022 lea na faia ai e ia lea fa’ao’olima ma lavea ai o ia ile solitulafono.

Sa fa’apea fo’i le ua molia e faapea sa ia faatino ina lea gaioiga e aunoa ma se faatagana faatulafono, na sa faatino ina e ia i se faatulafono faaletatau. 

Sa malamalama fo’i le ua molia ma ua talia fo’i e lea alii ia moliaga ale malo e tusa ma lana solitulafono sa faatino ina e aunoa ma se faatagana faatulafono.

O Lea aso sa faapea ona faatauto ai lea alii aua fo’i o ana molimau moni lava ole a ia saunoa mai ai ile faamasinoga aua foi lana iloiloga, mulimuli ane sa ia tali ioe. 

Sa faapea ona sainia fo’i e lea alii ia le maliliega ole faamaonia lea o moliaga lea sa molia mai ai o ia, lea sa tomalaulau ina e le loia ale malo ia Rodgers i lea aso o lana iloiloga ile Fa’amasinoga Maualuga 

Sa fesili fo’i le ali’i faamasino ia Mamea Sala poo lea sona manatu i le moliaga lea e tasi lea sa teuteu ina o le fa’ao’olima lea ile tulaga tolu pe talia e ia pe le talia.

Sa tali ioe le ua molia ma o le aso 22 o Novema e lauina ai lana fa’asalaga.