Pago Pago - AMERIKA SAMOA

O le Aso Faraile, Me 19, 2023, na fa’ataunu’uina ai le sauniga o le fa’auuga lona 78 a le Kolisi Tu’ufa’atasi a Amerika Samoa (ASCC) i le faleta’alo a Kanana Fou i Tafuna. O le vasega fa'au'u o le Spring 2023 e aofia ai le to'a 68 tagata na maua a latou fa'ailoga, tikeri o le Associates, 7 na maua fa'ailoga tikeri o le Bachelor, ma le 8 na maua fa'ailoga Masters - e 83 le aofa'i o le au fa'au'u. 

O le afioga i le Kovana Sili ia Lemanu Palepoi Sialega Mauga na fofogaina le saunoaga fa’apitoa, ma o le saunoaga autu o le fa’auuga mai le Fa’atonu o le ODAPM ia Lisa Tautalatasi Tuato’o – o oloa uma e lua a le ASCC.

“E ‘ese’ese ala na ‘outou tu’u uma ai – o se ala o tauiviga, o se ala o faigata,” o le saunoaga lea a Kovana Lemanu i lana saunoaga fa’apitoa i le ‘au fa’auu. Sa ia faaauau, “Ae peitai, o le aso [lenei] ua faailogaina ai se tulaga taua tele i o outou olaga. Matou te faamanatuina le taualuga o tausaga o le galue malosi ma le tuuto.”

“O le asō o se molimau o lou maufetuuna'i, tutumau, ma le le maluelue tautinoga i lau a'oga. E taua mo outou uma ona manatua o le aʻoaʻoga na e mauaina e sili atu nai lo tusi aoga ma potuaoga. Ua e mauaina tomai faʻapitoa mafaufau, fatufatuaʻi, ma le tomai e faʻafetaui ai i tulaga fou. O nei tomai o le a avea ma au tapasa a o e folau i ogasami e le'i va'aia i luma,” o se vaega lea o le saunoaga a Lemanu e pei ona fa’ailoa i se pepa o fa’amatalaga mai le Ofisa o le Kovana. 

Sa fa'aalu foi sina taimi, i le saunoaga a le kovana, e momoli atu ai le agaga fa'afetai i matua o le ‘au fa’auu, matua fa'aleagaga, aiga, uo ma faufautua sa lagolagoina oe i la'asaga uma o le ala. 

“O lo latou faamalosiau ma le talitonu ia te oe sa fesoasoani tele i lou manuia. Ia le o le iuga lea. A'o e laa atu i le lalolagi o ni tagata fa'au'u, fa'amalosi oe e moemiti tele, tulituliloa ou tu'inanau, ma aua ne'i galo lou gafatia e fausia ai se lumana'i manuia,” o le saunoaga lea a Lemanu.

Mo le saunoaga autu mo le ‘au fa’au’u, na faasoa atu ai e le Faatonu o le ODAPM ia Tuato’o, se mau o le Tusi Paia na tuuina atu e lona tama ia te ia o se tamaitiiti aoga, “A ia outou muai saili le malo o le Atua, ma lana amiotonu; ona faaopoopoina atu lea o ia mea uma ia te outou.” Mataio 6 v. 33. Na

faaauau le saunoaga a Tuato’o, “A o e alu i lau malaga faaleaoaoga ma le olaga, ia manatua, o lau tuuga e oe lava ia. Taulai atu i au sini ma miti, tumau i le ala, ma aua le fiu.”