Ads by Google Ads by Google

Se faamama avega i le au fai vaa 'afaloloa a Amerika Samoa


[ata: foa'i]

Pago Pago - AMERIKA SAMOA

 

Ua talosaga atu ai nei le Faatonu o le Matagaluega o le Gataifale ma le Vaomatua ia Taotasi Archie Soliai  ile Vaega a le Puipuiga o le Gataifale a le fetarale, U.S Coast Guard, e taga'i ane i le faataatia ese lea o aiaiga mo le Tusi Faamaonia poo U.S Masters Certification, mo na'o  kapeteni o Vaa afaloloa poo U.S longliners o loo fagogota atu i Amerika Samoa. 

 

O le talosaga na faaulu atu i lona tulaga faa Taitaifono o le Fono o le Pulega o Fagotaga o le Itulagi Sisifo ole Pasefika poo le Western Pacific Regional Fishery Management Council.  I le tusi o Tesema 21, 2022 , sa saini ai foi le faatonu  o le pulega,  Kitty Simmonds ma faatutausi atu i le Rear Admiral Mike Day, Commander 14th US Coast Guard.

 

O le tusi lea, mai le fono lona 193 a le Pulega o le Western Pacific Regional Fishery Management Council, i le amataga o le masina o Tesema, sa tele ni manatu na tuuina atu ai e fatatau Faiga faiva i Amerika Samoa. 

 

"O le manaoga o le Fono faatonu, e tagai ane le U.S Coast Guard i le faataatia ese lea o aiaiga mo le U.S Master certification mo Vaa Afaloloa poo longliners a Amerika Samoa."

 

I le maitau a le Fono faatonu lea, o aiaiga  o le U.S Masters a Amerika Samoa, ua avea ma faamamafa poo pa puipui  e le tusa ai mo le au faifaiva mo le tele o mafuaaga. 

 

"Muamua , o le U.S Masters Certificate e mana'omia le tusifolau Amerika.  Ole tele o Kapeteni e agavaa,  e leai se tusi folau Amerika, poo le le agavaa lava foi ise tusifolau Amerika. 

 

"Ua taofiofia ai tagata o loo iai U.S Master Certification. Lona lua, o Tuspasi faapitoa na e mana'mia ai le suesuega o fualaau faasaina e faamaonia e le malo feterale (federally -approved drug test) ae le maua i Amerika Samoa, e taugata feoaiga i Amerika e faatino ai."

 

Ta'ua e Taotasi, o le suega o le tusipasi o le Master e taugata le aoaoga lena (faatusa i tupe maua iinei) ae tatau ona mafai ona faatino i Amerika Samoa.

 

"I Amerika Samoa e le'o maua uma e ona tagata mea e mana'omia, e silia i le afa o lona faitauaofa'i, ei lalo o le laina o tagata Amerika e le malosi o latou tamaoaiga pe lima vaivai"

 

"Mo na mafuaaga uma, ua talosagaina ai le U.S Coast Guard e faataatia ese aiaiga pei o le U.S Master certification  mo Vaa afaloloa U.S Longliners a Amerika Samo "Faamolemole e tautuana le talosaga e faamama avega mai ai ia Amerika Samoa." 

 

Na tuuina atu foi kopi lea tusi i le Susuga a Frederick Tucher, Pacific Islands Section Chief; NOAA Office of General Counsel Sarah Malloy; Regional Administrator, Pacific Islands Regional Office LCDR Jessica McCollum; U.S. Coast Guard l4th District; Krista Corry, President of Tautai o Samoa Longline and Fishing Association; ma le Susuga a  William Sword, Council Member poo le sui o le Fono.