Ads by Google Ads by Google

Siitia le tau o le niu - 3-Tala Samoa i le 10-Tala Samoa


[ata: foa'i]

Pago Pago - AMERIKA SAMOA

 

I se lipoti mai Samoa, ua fa’ailoa ai le si’i maualuga o le totogi mo le niu e tasi e fa’atauina ona o le fia taumafa i le suamalie o Niu i Samoa, ae ua a’ati atili le suamalie o le niu i lona tau ua i ai nei. 

 

Mai le $3 sa i ai ua faatauina mai nei le Niu e tasi i le $10. Ae ua fa’ailoa fo’i, e matua leai lava se mea e mafai ona faia i ai e le malo.

 

O le minisita o Fa’ato’aga, La’auli Leuatea Schmidt, sa ia fa’ailoa ane i le Palemene, “E le o le taimi lea e siitia ai le tau o le Niu i le atunuu, peita’i, e toeititi fo’i toe pa’u mai i lalo le tau, ona o lea e tele fo’i turisi i le atunuu, ua mafua ai le siitaga lea.”

 

Ua fa’ailoa o le tali lea na tuu atu i le Faipule mai Safata i Sasa’e, Luamatiamanu Ringo Purcell, lea sa ia fa’ailoa le tau maualuga ua i ai nei le totogi mo le niu e tasi.

 

E le gata i lea ae ua ia tima’ia nei le Minisita o Fa’ato’aga ina ia fai se fuafuaga malosi i le tulaga o le Aviivii Ai Niu lea ua tetele mai lava i le atunuu, ua fa’aleagaina ai le tele o lau o niu ma e i’u lava ina tumau ai le taugata o i ai nei o le Niu pe afai ae le faia i ai se fuafuaga vave a le Minisita ma le matagaluega o Fa’ato’aga i le atunuu.

 

O Laumatiamanu sa ia tima’ia le Minisita o La’auli, “Alofagia vave lava ona faia le galuega lea aua e fa’aleagaina uma fa’ato’aga niu ua fua fa’atasi ma isi uma fa’ato’aga fa’ato’a toto pe a oo lava ina tuai faia le galuega fa’aumatia ai le aviiviii ai niu. E sosolo atu fo’i i Tutuila ma isi nuu tuaoi lenei lava fa’alafua i fa’ato’aga niu.”

 

Ua fa’ailoa e le Minisita o Fa’ato’aga, “E ioe le taofi o le fa’aletonu lenei o se mea e tatau ona mafuli le atunuu atoa e faia i ai se fuafuaga vave lava, ma e tatau ona aofia atoa le atunuu i le taumafaiga lenei, e fa’aumatia le avi’ivi’i ‘ai niu.”

 

Ua finau le mataupu e se tasi o Faipule Sala Fata Pinati, “O le mafuaga o le fa’atugata o le tau o le Niu e tasi e le faifa’ato’aga ona o lo ua taumafai i latou e fa’afetauia le taugata ua siitia nei i ai le totogi o le tau o le soifuaga o i ai nei i le atunuu.”

 

“O lo taumafai le aufaifa’ato’aga e fa’afetauia le taugata o le tau o le soifuaga  i ai nei,” o se toe tala lea a Fata Pinati.