Pago Pago - AMERIKA SAMOA

O se tulaga fiafia i le mamalu lautele i le aso ananafi mo le au totogi lafoga e agava’a i le maua o siaki o tupe maua toe faafoi atu - refund checks - mai malo mo lenei tausaga.

O le aso Lulu 8 o Mati sa aloaia ai le vaega muamua o siaki o lafoga toe fa’afo’i atu, e pei ona fa’ailoa e le Teutupe a le malo, ia Malemo Tausaga.

O lenei vaega e aofia ai le 1,000 tagata totogi lafoga na muamua ona faila a latou lafoga 2022 ia Ianuari 2 e oo atu i se vaega o Fepuari 02, 2023. 

O siaki tupe toe faafoi i le Batch #1 le aofaiga e $3.4 miliona. E $1.6 miliona le tupe toe faafoi i totonu o le atunuu. O siaki Fa'aopoopo o Lafoga a Tamaiti le aofa'i e $818,303 ma siaki Fa'aaitalafu o Lafoga o Tupe Maua e $953,615.

O siaki o le a tufatufa atu e ala i tupe teu saʻo i faletupe, Falemeli poʻo le Disbursing Office.

O le tausaga na tea nei na tatala ai le vaega muamua o siaki tupe i le aso 11 o Mati.