Pago Pago - AMERIKA SAMOA

MOLIA IA ALOMA AMITUANA’I

O se ali’i e 36 tausaga le matua e suafa ia Aloma Amituana’i, na taofia e leoleo i le aso 25 Iulai 2023 i le afioaga o Ili’ili, i lona palauvale i lona step-father. Na taua e Amituana’i e fa’apea, “o le a ia fa’amuta lona step-father” lea na ita ai lona step-father, ma latou tutuli ai ma lona to’alua le tamaloa i fafo o le fale.

Ona aga’i atu ai lea o Amituana’i e teu ana ato ma alu ese atu, ae toe fo’i i le fale i le aso 26 Iulai i le itula e 4 i le afiafi ma amata fetogi solo apa ma isi mea i totonu o le umukuka. Na fai atu le step-father ia te ia e taofi ona o lona tina sa i le umukuka, ua maʻi.

O Amituana’I, o lē sa ita tele, o lo’o tuuaia na amata ona ee atu i upu mataga faa-Samoa i lona tama fai ma fai mai “e le popole o ia ia te ia ma o le a ia faamutaina o ia.”

Na fa’afesoota’i e le tama fai Leoleo, ma mafua ai loa ona faia se su’esu’ega ma iloa ai, o se mataupu o lo’o fa’aauau pea – o le a fa’amata’u e Aloma lona tama fai i lea taimi ma lea taimi, ma latou toe una’ia ai loa, “latou te le mananao e toe fo’i mai le la tama i lo latou fale. ”

I le fa’aaliga lata mai, ina ua taunu’u atu ali’i Leoleo i le nofoaga, sa latou pu’e fa’apagota ai Aloma ma momoli atu i le Ofisa o Leoleo i Tafuna (TPS lea na fa’agasolo ai loa o ia mo le toese i Tafuna.

E 4 moliaga na tu’uaia ai le ua molia i le ulua’i iloiloga o lana mataupu – e lua moliaga o le fa’atupu vevesi i totonu o le aiga ma moliaga e lua o le fa’ao’olima i le tulaga tolu.

E $500 le tupe ua fa’atulaga e le fa’amasinoga mo Amituana’i.

TUPU LE MISA MAFUA MAI I TUSITUSIGA I LE “FACEBOOK”

Na taua e se tama’ita’i sa i ai se feeseeseaiga ma le tina a lona to’alua (mother-in-law), le fa’aoolima o lona to’alua ia te ia i le aso 29 Iulai 2023, ina ua ia vili le Ofisa o Leoleo i Tafuna (TPS) e logo le faalavelave ma talosagaina se fesoasoani.

E lei atoa le lua minute na tali atu ai leoleo ma taunuu ai i le fale o le tamaitai na aafia. Sa matauina e leoleo le toto i lona ofutino ao ia ufiufi lona mata agavale. Na fa’ailoa e le tama’ita’i na a’afia i Leoleo efa’apea, o lona  to’alua o le ua molia na sola ese mai le nofoaga ina ua mae’a le fa’alavelave. Na valaau le EMS e siaki le tama’ita’i na a’afia, peita’i sa musu o ia e alu e va’ai i ai le foma’i.

Ona momoli lea o lē na aafia ma lana tama i le TPS mo nisi suesuega.

E tusa ai ma le faamatalaga a le tamaitai na aafia, sa ia faasoaina i luga o le Facebook ina ua tusia e lona mother-in-law se faamatalaga na faatiga ia te ia. Ona alu lea o ia e faafesaga’i ma lona mother-in-law e uiga i le faamatalaga, ma sa amata ona ee atu lona mother-in-law ia te ia. 

Na sau le ua molia i le fale a o finau pea, le na aafia ma lona mother-in-law. Na taua e le tama’ita’i na a’afia e fa’apea, sa taumafai lona to’alua e fa’afilemu o ia, peita’i sa matua le fiafia o ia ma fai atu ia te ia e aua nei toe puipuia lona tina.

O lea na faateteleina ai le feeseeseaiga, ma na tu’i ai e lona toalua lona mata agavale. Ona ia vili lea o le TPS mo se fesoasoani ma o le aso lava lea i le itula e 3 i le afiafi, na faafesootai ai e leoleo le Social Services e faailoa i ai le mea na tupu ma sa talosagaina ai e leoleo le toe siitia o le tamaitai na aafia i se malutaga seia oo ina alu ma lana tama i Samoa.

I le aso 31 o Iulai, 2023 i le aoauli, na savali atu ai le ua molia i totonu o le TPS lea na ia talanoa ai ma se tasi o leoleo.

E tusa ai ma lana faamatalaga tuugutu, “Na sau o ia i le fale ae o le tamaitai na aafia ma lona tina o loo faia se misa.”

“Ona laa lea o ia i totonu ma taumafai e faafilemu le tamaitai na aafia ae o loo ee atu lava le tamaitai i lona tina, ma a o taumafai pea e faafilemu o ia, sa ee atu foi le tamaitai na aafia ia te ia ma o le taimi lea na ia tu‘i ai ma tatu‘i lona itu tauagavale. mata.”

I le aso lava lea, na tusi ai le ua molia ma ave i le TCF. I lana ulua’i tula’i i luma o le fa’amasinoga, na tu’uaia ai o ia i le moliaga mamafa e tasi o le faaoolima i le tulaga tolu.