Ads by Google Ads by Google

TALA O LE LALOLAGI


[ata: foa'i]

 

Pago Pago, AMERIKA SAMOA

 

UNA’IA MATAGALUEGA O FA’ATO’AGA FAIA O FA’ATOAGA E TOTO I LE VAI:

 

I le taimi nei, ua faailoa e to’a 50 aiga lea ua loto ina ia fa’atautaia a latou fa’ato’aga e toto i le vai i tuafale o latou maota ma o le a fesoasoani i ai le matagaluega o fa’ato’aga a le tatou Malo.

 

“O nei ituaiga o fa’ato’aga e totoina i le vai, ua alia’i mai o se auala e faigofie mamao ona fa’atautaia e le to’atele o aiga, e fuafua lea i le tele o sina vaipanoa o le eleele e fa’atula’ia ai, ae fa’afaigofie fo’i ona tausia lelei e tagata, ua le tau punonou foi e vele ni vao,” o se tala fiafia lea a le ali’i fa’atonu o fa’ato’aga, Mutini Solia.

 

O le ituaiga fa’ato’aga lea ua le fa’aaogaina ai se eleele, ae ua na’o le suavai manino ma e i ai lava ona nutirieni e fa’aopoopo i ai i le suavai, ina ia lauolaola ma lelei le kapisi mo isi fuala’au ‘aina mata o le a totoina ai.

 

Ua mae’a pasia le to’a 28 o sui mai Tutuila, 2 mai Aunuu ma le to’a 20 mai Manu’a o le a mua’i fa’atautaia latou togala’au ‘aina mata e fa’aaogaina ai le faiga o lo’o ua mae’a fa’atautaia ai togala’au ‘aina nei a le susuga James Gurr ma le Faletua i Tafeta.

 

O le pule o le polokalama lenei ua tofia nei e le matagaluega o fa’ato’aga, o le susuga le a James Gurr, lea ua fa’ailoa, “O se faiga lelei lava lea e aoga mo le aiga lava ia e totoina ai latou fuala’au ‘aina.

 

O le a to’ai taunuu mai mea faigaluega mo lenei poloketi i le masina o Oketopa 2021.

 

 

AVEA SENATOA TOGIOLA MA TA’ITA’IFONO KOMITI FA’AFOE O LE TBAS

 

Ua tofia nei le Taitaifono fou mo le Komiti Fa’afoe o le Faletupe o le Territorial Bank of American Samoa poo le TBAS, i le afioga Senatoa Togiola Tulafono.

 

Ole fonotaga a le Komiti Fa’afoe na tauaofia ia Setema 23, 2021 na filifilia ai e le Komiti le afioga le Matua ma o le Senatoa o Vaifanua na ta tauavea le tofiga Taitaifono ma ua suia ai nei le tamaitai Faipisinisi o Olivia Reid lea sa fa’amavae i le masina ua te’a.

 

Na faamaonia mai lea tofiga o le afioga le Matua ia Aokuso ina ua tauaofia ma sa fa’amaonia ai i la’ua ma le susuga Toloai Ho CHing i le Komiti Fa’afoe o le TBAS.

 

O le tamaitai o Motuosalaia Gabbard o lo ua avea nei ma sui taitaifono ma le Failautusi o Ruth Matgi, o i la’ua na o isi sui na tofia mai lava i le amataga o le faletupe lea a le tatou malo i le tausaga 2016.

 

O isi sui o lo tautua pea i le Komiti Fa’afoe e aofia le tamaitai faipisinisi o Leilua Stevenson sa muai avea foi ma sui ta’ita’ifono, Joseph Pereira ma Manu’a Chen.

 

I LATOU E LEI MAUA PEA STIMULUS - E LE FA’AGALOINA OUTOU

 

Mai le Ofisa o Lafoga ma le matagaluega o Tupe a le tatou Malo, ua fa’ailoa mai ai se tala fiafia mo i latou uma lava e le’i maua ni stimulus mai le tausaga ua te’a ma le tausaga nei, ua faailoa ai, e le o fa’agaloina outou, e i ai lava le taimi lata mai e maua ai.

 

Mai ia Setema 30, o le aso lea ua fa’atulaga e tatau lava ona mae’a faila mai lau talosaga mo lenei alamanuia. E afua mai le $600, $1200 ma le $1400. lea na mulimuli nei, o loo tatala atu le avanoa e talosaga mai ai.

 

Saunoa le tamaitai o Maryann Olo ma Tim Mauga e ala i ala fa’asalalau fa’alaua’itele, o i latou uma lava o lo’o misi mai lea alamanuia e aofia ai ma nisi o e ua maua saogalemu ae le o toe maua nisi fa’amanuiaga nei, e ao ina fa’aulu mai a latou talosaga i le ofisa o Lafoga.

 

O le aso Lulu na nei sa fa’atulaga e maua ai loa le aotelega o i latou i le vaega muamua o Lafoga Totogi a Fanau i lalo o le polokalama fa’atulaga o le American Rescue Plan Act, ma o le a tufatufaina atu.

 

O i latou e leai ni pusa meli o tusia i a latou lafoga ua fa’atulaga le tufatufaina atu o nei siaiki a le fanau i le Gov. Rex Lee Auditorium mai le 8:00 i le taeao se’ia oo i le 3:00 i le aoauli.

 

O i latou foi e fa’auia sa’o i a latou pusameli e fa’apea lava ae o nisi e fa’auia i a latou teugatupe i faletupe o le a maua se latou faaaliga e ala i upega tafailagi.