Ads by Google Ads by Google

TALA O LE LALOLAGI


[ata: foa'i]

Pago Pago, AMERIKA SAMOA

 

FAAILOA KOVANA E LE TAOFIA FEMALAGA’IGA I LE VA MA HAWAII

 

Ua fa’ailoa manino mai lava e le afioga Kovana Lemanu Mauga, e le o toe i ai se fa’aiuga a le Komiti Fa’afoe o le Covid-19 fa’atasi ai ma sona manatu ina ia toe taofia le feoa’iga o malaga a va’alele, i le va o Pago Pago ma Honolulu Hawaii, ua taumafai atili ina ia fa’atumauina malaga ua mae’a suia i ai malaga na toe fa’atulaga.

 

O le saunoaga lea a le ta’ita’i sa faia lava i lana Kapeneta ma ua sapaia fo’i lea lagona e le to’atele o ta’ita’i o matagaluega ta’itasi o le tatou Malo. O le fonotaga lea na faia ina ua maua ane le sui e to’atasi lea na malaga mai ia Setema 13, ua maua i le Covid-19.

 

Ua fa’ailoa atu e Lemanu i lana kapineta “Ua mae’a fo’i ona fono i matou ma ta’ita’i o le Fono Faitulafono, ua mae’a fa’ailoa atu fo’i e le toe taofia lava malaga nei ua maea fa’atulaga aua e to’atele na’ua nai o tatou tagata o lo’o fia toe taliu mai. Ae o le mea sili ona taua, ina ua mae’a fo’i ona malaga i fafo ma toe taliu mai, o le tapenaga a le Malo lea ua mae’a fa’atulaga e siakia ma puipuia ai le atunuu mai le a’afia i le Covid-19, ua mautu lelei e mafai ai ona saogalemu i tatou uma.”

 

Ua ia mai, o suega nei e faia ma maua ane ai nisi ua fa’amaonia o i ai le verusi, ua fa’anofoesea i latou ma ua le toe i ai se isi e a’afia atu ai. O lona uiga o le polokalama ua fa’atulaga nei, ua aoga ma ua fa’amaonia e mafai ona puipuia ai le atunuu mai le fa’ama’i Coronavirus.

 

Ua faapea lava fo’i ona fa’amautu e le kovana sili, le le toe faia o le nofova’avaaia lea sa fa’atautaia e le Malo i Honolulu. Ua sologa lelei lava le tautua ua faia nei e le Malo o le totogia lea o suega a le mamalu e toe taliu mai, ae ua sailia lava le nofoaga o le sui malaga latou e faamautu ai ma faia ana suega mai le lima aso, ma le tui e 24 itula malaga mai loa.

 

E ese mai lea ua fa’amauina fo’i le tulaga le toe fesiligia o le aoga o le polokalama TalofaPass lea ua fa’aaoga e fa’auia ai fa’amaumauga o tui ma fa’amaumauga o sui malaga uma ina ia mafai ona maua se avanoa e malaga toe fo’i mai i fanua ma aiga.

 

Ona o le maualuga tele o le tau fa’aopoopo i le malo e $2 miliona mo le nofova’ava’aia lea o nisi ae totogia e le malo i Honolulu, ua le tatau ai ona toe faia. Ae sili ai ona tatala pea avanoa mo malaga e tatau ona fa’atautaia aua o le to’atele e talavai i Hawaii ma isi setete o Amerika, ma e tatau lava ona malaga fo’i nisi o tatou Vetureni o lo ua mae’a fa’atulaga mamao latou talavai e ao ina faia, ae ese ai ma nisi o le mamalu lautele e ao lava ina malaga i fa’alavelave e le ma’alofia i fafo o le mamalu lautele o le atunuu i latou pisinisi masani.

 

“O le fa’aauau ona faia o nei malaga e pei ona i ai nei, ua le taofia ai o tatou tagata mai le malaga atu i fafo ina ia faia talavai e ao na fa’ataunuu mo le tausiga o le soifua maloloina, maea talavai ma toe taliu mai,” o le saunoga lea a Lemanu. 

 

Ma sa ia fa’ailoa ai le isi tasi le pasene o le au malaga i fafo mai le teritori o nisi o lo’o ave malologa mai galuega, ma tafaoga masani ona faia fa’aletausaga, o itu la lea ua fa’autagia ina ia taofiofi mai le fia mlaga i fafo, ae tafafao pea ma malolo iinei, ina nei toe foi mai ua toe sau ma le ma’i.

 

Ua fa’amautu e Lemanu, o le tulaga ua i ai nei le fa’agaoioiga o le TalofaPass ua matua lelei lava mo le fa’amoemoe na fa’atula’ia ai. Ua maua uma lava faamaumauga o lo’o mana’o ina ia fa’auia mai ai ma ua lelei fo’i ua amata ona masani ai tagata uma e fia ulufale mai i Amerika Samoa. 

 

FEMAGALA’I I LE VA O SETETE O AMERIKA

 

Ona o lo’o i ai nei i le Iunaite Setete i lenei vaitau, ma e le’i mamao fo’i talu ona malaga i Nevada faapea ma le ulufale atu i Hawaii i le malaga mulimuli o Iulai 2021, ua matauina ai mea patino nei.

 

Afai e te fia malaga i le va’alele i se isi setete e sailia lava oe i le malae va’alele, ae ua fesiligia lava na’o lou pepa fa’amaonia poo le ID poo le Tusi Folau lea ua e manatu e fa’aaogaina mo lau malaga. Ua le toe fesiligia oe i se fesili po’o se pepa tui e fa’amaonia ai ua maea faia ou tui puipuia o le Covid-19.

 

Ua faapea fo’i le to’ai taunuu atu i le Malaeva’alele i Honolulu, sa le mana’omia lava so’o se pepa fa’amaonia o lo’o tapena e le Medicaid ma le DOH e te ulufale atu ai, ua na’o lou tusi folau lava ma lou visa e te ulufale atu ai. 

 

Ia ua toe fa’aauau le malaga mo le Setete o Washington, na faia le suesuega e te toe ulu atu ai, ae le o toe fesiligia lava se pepa tui e faamaonia ai sa faia ou tui puipuia. Ua na’o le pepa fa’amaoni, ID poo le Tusi Folau.

 

O le toe taliu atu ina ia fia toe fo’i i Amerika Samoa, e sailia lou nofoa i le Hawaiian Air, ma fai lou tui toe 10 aso taliu i Hawaii ua fa’atulaga mai lea e le Hawaii Safe Travel, ae ese ai lou toe fa’aulu atu o au fa’amaumauga uma fa’atasi ma lou nofoa ma le tusi ua mae’a faia i le TalofaPass a le tatou Malo.

 

Toe lima loa aso e malaga i Amerika Samoa e tusa o lou avanoa i le Hawaiian Air, ua tatau ona i ai oe i Hawaii, e faia ai lou tui lena o le lima aso a’o lei malaga toe taliu i Amerika Samoa.

 

O le mea ua tatau ona e fa’aulua le fa’aiuga o lau suega lea i le TalofaPass e mautinoa ai e te toe faia le tui o le 24 itula e malaga loa i Amerika Samoa. Afai e faamaonia i se tasi lava o nei tui ua e maua i le Covid-19, e ave’esea loa oe ma faanofova’ava’aia i Hawaii avanoa loa ma lena nofoa o le va’alele toe taliu i Samoa.

 

I lenei vaitau, afai ae sao atu se tasi ua maua i le coronavirus, ona ua le toe fa’atauaina e Amerika siakiga o nei tui puipuia ma ni suega a’o e le’i malaga mai se tasi setete i le isi, ua le pei o i tatou i Samoa na lua.

 

ASIA “ISLAND PRIDE CAR CLUB” USO MAI AMERIKA SAMOA FAIGALEUGA TAYLOR FARMS

 

I le aso Sa na te’a nei sa asia ai e le Island Pride Car Club le aumalaga mai e faigaluega mo le Taylor Farms Northwest lea o lo’o faigaluega pea ma o lo’o malolosi i latou.

 

E tusa ai ma le fa’amatalaga a le alii sui fa’asalalau a le Taylor Farms e feso’ota’i ma aiga o le aufaigaluega na masii mai Amerika Samoa, sa ia faailoa ai, “O lo’o manuia lava mea uma tau le nonofo ai ma faigaluega o le to’atele, peita’i o le isi vaega e to’a 25 ua fa’amaonia o latou suega Covid-19 ua a’afia ma ua taofia lelei i latou ma nofova’ava’aia i le nofoaga fa’apitoa o le faletalimalo. O i latou na e le o toe mafai ona o mai i fafo e feiloa’i ma uso agaalofa, le Island Pride Car Club, lea sa latou saunia le toona’i matagofie mo tagata uma ae maise o le feiloa’iga fo’i ma nei uso e matua matagfie lava le mafanafana o le agaga alofa mai mo le aumalaga.”

 

O le Kalapu lenei a le Island Pride, sa tulai le latou peresetene ma fai ma fofoga taumolimoli o le latou asiga i le aumalaga lea sa taua’aoina ai le to’ona’i felanulanua’i ma teutusi o le fesoasoani tupe sa taua’aoina.

 

“Ona o le agaga lava ia o Samoa e matitiva fesagai, e feasiasia’i uso i so’o se taimi e to’ai ai ni aumalaga, e asia fo’i pelega sa masi’i mai, o le agaga lena o lenei agaifanua ma le fa’aaloalo lava. E le fesiligia le fai uso o lenei kalapu ma lo latou agalelei.” Sa saunoa fa’apitoa fo’i sui o le aumalaga ma le pulega ale Taylor Farms e talia maia le fa’aaloalo ma le agalelei.

 

Fa’ailoa mai e Charlie Jr le sui fa’asalalau o lea aumalaga ma le Taylor Farms, “E le o misia lava asiga a le vasega o Kalapu Ta’avale a Uso Samoa mai lo latou asia pea o le aumalaga lenei ua mae’a fa’atumauina e galulue i le Taylor Farms. O le agaga fa’afetai ona o le fai uso.”