Ads by Google Ads by Google

TALA O LE LALOLAGI


[ata: foa'i]

Pago Pago - AMERIKA SAMOA

 

FA’AOPOOPO PENEFITI TAGATA MATUTUA 2021-2022 - PART C O LE SAOGALEMU

 

E leai se pa pupuni o lou talosaga i le fa’amanuiaga ua maua nei mo so’o se tama ma tina matua ua mae’a atoa le 64 tausaga le matua, ua mae’a tali lana Medicare ma ua fia maua lea alamanuia e totogia ai pili o mea tausami, pili o talavai, pili e va’ai ai Foma’i nifo ma Foma’i o Mata, ma pili fo’i o nofoaga e alaala ai. Afai e mae’a lona o’o le soifua i tausaga nei, ma ua e alaala i soo se setete o le Iunaite Setete o Amerika, aua le nofoa’i, ae fa’aulu lau talosaga.

 

“O lea ua tatalia la’u Card e talafua ai mea’ai, pe totogia ai a’u pili, e faia ai talavai, ona ua mae’a talosaga i lea fo’i alamanuia mo tagata matutua uma. Peitai, o lea avanoa e tapunia aloa’ia i le aso 07 Tesema, 2021 e muta ai lenei avanoa matagofie.”

 

O laina o fesoota’iga o lea tautua e le fa’avasegaina lava poo ai le sui e talosaga, se’i vagana lava e le’i talosagaina lau Medicare ona muamua lea tuuina atu oe i le laina o le Medicare e muamua talosaga ai lau numera 1-800-633-4227 mo le vaega a le Part A & Part B o lau Medicare.

 

Peita’i o le vaega lea ua lisia mai nei faamanuiaga e tele o le Part C ma ua mafai ona maua le isi vaega tupe e sili atu i le $1,700+ i masina ta’itasi mo le tausaga atoa o 2022, e amatalia lea ia Ianuari se’ia oo ia Tesema.

 

O le laina o le Part C lea e mafai ona e talanoa ai ma fa’auia la numera o le Medicare 1-888-995-0987 ma talanoa ai i sui ua lautogia mo lea fesoasoani. O le alamanuia lea e fa’auia mai lava i lau Card e meli sa’o mai ia te oe i lou tuatusi ua lisia i lau talosaga. E fa’aaogaina i au talavai i so’o se Foma’i ua agava’a e va’aia gasegase ua maua latou Medicare.

 

“Ona o la’u numera o le Medicare e fa’ato’a mafai ona fa’aaoga ia Novema 01, 2021, o lea la ua fa’ato’a mafai ai ona fa’aaoga e a’u le Part C ia Ianuari 01, 2022. E fuafua lea ina ia oo mai i lo’u lima la’u card Part C ma mafai loa ona fa’aaoga i a’u talavai o le Va’aiga, Nifo ma le Fa’alogo, poo le fa’aaoga lava fo’i e va’ai ai Fomai o so’o se ituaiga gasegase ou te maua ai.” O se tala fiafia lea a le tina fa’ato’a maua lana Medicare e aoga mo Novema 01, 2021 ae na fa’ato’a talosagaina lana saogalemu ia Iulai ma maua ai lava i le vaiaso lona tolu o lena masina lana ulua’i siaki saogalemu i Amerika Samoa.

 

“Ua fesiligia mai lava poo ai lau foma’i e te fia va’aia e fa’aaoga ai lau penefiti o le Part A & Part B o le Medicare, ae o a’u e le’i i ai muamua sa’u foma’i, e le’i amatalia fo’i ni a’u talavai, o lea ua fesiligia ai lou tuatusi o nofo ai, ma aumai loa ma se foma’i ou te filifili ai, e fia va’aia ia Ianuari 03, 2022. O foma’ia ia e latalata mai le tuatusi o le fale o ou nofo ai.” O se tala fiafia lea a lea tina ua atoa le 65 o ona tausaga ia Novema 2021.

 

Ona o lea tulaga o nei alamanuia fou, ua fa’ailoa atu ai i le mamalu o matua o lo’o faia latou talavai i Setete eseese ma falema’i i le Iunaite Setete, vala’au i nei numera ma va’ai toto’a atonu o agava’a fo’i i tatou i nei alamanuia, e pei lava o isi uma tama ma tina matutua i le malo tele atoa.

 

Afai e vilia e oe le laina e lua isi la’asaga o fa’atalanoaga e faia e le sui agava’a ae fesoasoani i ai lana fanau pe afai e le silafia tautala ma malamalama lelei i le fa’aperetania, ona fa’apea lea ona maua loa lea avanoa e fa’atali ai lau Card Part C o lou saogalemu mai le meli mo ou alamanuia nei.

 

O se tala a se tasi tama ua mae’a maua ma faaaogaina lana Card lea ua ia fa’ailoa mai ai, “O lea fa’ato’a iloa ua manatu mai le Malo Tele i ona tagata matutua ua leva ona tautua ma sa tau fa’asoa lava nai siaki laiti o le saogalemu sa tipi mai totogi i pili ma mea uma e oo i le fale e nonofo ai.”

 

GAFATIA GALULUE SEILA SAMOA TOFIGA & TIUTE FA’AOFISA I FOLAUGA

 

I le taimi nei i aoaoga ua mae’a a’otauina ai le vasega o fanau a’oga i le Marine College i Samoa, o se va’ega fo’i o le National University of Samoa i Mulinuu, ua gafatia nei ona galulue i latou ua ausia togi maualuluga ma a’o’oga ua fa’au’u mai ai i tofiga fa’ata’ita’i ma ofisa i Va’a o le a tautua ai i latou.

 

O le taimi muamua lenei ua fa’aausia ai e lea Kolisi o Aoaoga Tau le Gataifale ma Folauga i le Sami ma Vaitafe, ua ausia ai e nisi e fa’au’u mai lea Kolisi ona galulue i tofiga fa’a-Ta’ita’i i le fa’afoega o folauga o Va’a La’u Oloa, Va’a La’u Pasese i le sami ma Vaituloto.

 

O le Kamupani Va’a a le Malo o Samoa, Samoa Shipping Services lea ua latou tima’ia lea ituaiga o tomai ina ia ausia i a’oa’oga mo alo o le atunuu ua a’otauina i tomai fa’a-Ali’iva’a ma e ono o’o lava ina ausia tofiga fa’a-Kapeteni o Folauga poo Tautai o le Vasa.

 

O le Samoa Shipping Services o se Matagaluega a le Malo o Samoa e fa’atautaia lava e i latou a latou tagata faigaluega ma toe taumafai e fa’aolaola le latou tautua, ma ua mafua ai fo’i ona taga’i toto’a ina ia ausia e fanau a le atunuu o lo’o naunau i nei faiva, ona tautua i tofiga maualuluga i folauga a va’a oloa ma va’a la’u pasese i so’o se vasa o le lalolagi.

 

O le SSS fo’i latou te sailia avanoa lelei e mafai ai ona tautua alo nei o le atunuu e fa’au’u mai lea Marine College i nisi o Kamupani Tetele o le lalolagi o lo’o i ai latou Va’a Oloa ma Meli La’u Pasese. Ua to’atele lava alo o Samoa ua iloga a latou tautua i le tele o Kamupani Va’a Oloa ma Meli Tetele ona o lo latou sogasoga ma le finau i avanoa ua latou maua e fa’aaoga ai lo latou tomai ua a’otauina ai. 

 

“O lea la ua taumafai le Kolisi o Tautai o le Vasa ina ia mautu le aoaoga o nei alo ia ausia le avea ai ma sui sinia i folauga, ua ausia nei la ma ua manatu fo’i, e le o toe mamao ae tautua nisi o alo o le atunuu i tulaga fa’a-Kepeteni ona o le galulue malosi, ma le sogasoga i avanoa ua latou maua.” O se tala lea ma le susuga Olo Fiti Va’ai, Minisita o Galuega Feoaiga ma le Talafatai.

 

Fa’ailoa ma le agaga fa’afetai e le ali’i Minisita, “O le taimi nei ua matua fa’afiafiaina fanau ona ua siitia atili ituaiga avanoa e mafai ona galulue ai i va’a oloa ma va’a la’u pasese ua aga atu e tautua ai. O le faigofie fo’i lea ia i latou ona tausailia avanoa lelei totogi mo le lumana’i o latou tautua.”

 

“I le taimi nei ua agai atu ona silia ma le 300 avanoa o Seila folau ma galulue o tama fanau a Samoa i Kamupani Va’a tetele  a le Mediterranean Shipping Company MSC ma ua silia ma le 4 tausaga talu ona galulue fa’apa’aga le SSS a Samoa ma lea Kamupani Va’a e ala i tautua eseese, fela’ua’iga o oloa ma ua fa’aleleia atili i le maua ai o avanoa lelei mo tama fanau a le atunuu e faigaluega ai o ali’iva’a.”