Pago Pago - AMERIKA SAMOA

I le tauaofiaga a le Maota Maualuga lata mai nei, na fa’ailoa ai e le Peresetene ia Tuaolo M. E. Fruean le fono ma le kovana sili ma nisi o le kapineta. Sa auai le Fofoga Fetalai o le Maota o Sui i lea fonotaga. 

Ma o se tasi o mataupu sa talanoaina o le tulaga o sui mo le komiti fa’apitoa ua tofia mo le iloiloina o le Fa’avae o Amerika Samoa. 

Ua fa’ailoa e le kovana e na o le to’a lua sui ma le Senate and Maota Maualuga. Peita’i, ua fa’ailoa atu le taofi o ta’ita’i o le Fono Faitulafono e tatau lava ona lima senatoa ma lima Faipule i lea komiti. 

Saunoa le afioga i le Peresitene ma fa’ailoa sui mai le Maota Maualuga: 

• afioga i le senetoa, Malaepule Saiete Moliga mo le itumalo Manuatele

• afioga i le senetoa, Satele Lili’o mo le itumalo Falelima i sasa’e

• afioga i le senetoa, Tuiagamoa Tavai mo le Itumalo falelima i sisifo

• afioga i le senetoa, Soliai Tuipine Fuimaono  mo le Itumalo Tutotonu e aofia ai le Ituau,

• Peresetene o le Maota Maualuga.

Saunoa fo’i Tuaolo, “I le taimi na faamatuu atu ai le atunuu i le malo tele, sa faia lea e le fa’autautaga loloto ma le taga’i mamao lava a tama o Matai iloga o le atunuu, ae le o taulele’a o le atunuu.”

Ona o lea ua ia taumafai ai ina ia mautu le talitonuga e le tu’ua le faiva o iloiloga o sui o le Senate i le tulaga o le palotaina e pei ona i ai le Maota o Sui, o se tasi lava o manatu o lo’o fa’aalia soo e nisi o talavou o le atunuu, e tatau ona faia i sui o lea itu o le Fono Faitulafono.

MANUMALO TAFUNA HIGH - TAUVAGA O LAUGA FA’APERETANIA

I le Tauvaga Fa’aletausaga o Lauga Fa’aperetania a Aoga Maualuluga i le teritori ua maua le togisilia, ina ua aotelega mea uma na fa’atauva ai sui mai a’oga maualuluga i le tauvaga lona 35, o ituaiga taumafaiga a le fanau a’oga.

Na auai uma lava a’oga maualuluga a le malo i Tutuila ma Manu’a i lenei tauvaga, fa’atasi atu ai ma SDA Iakina Academy ma Kanana Fou High i lenei tausaga.

Mai le ono mea sa fa’atulaga e tauva ai fanau a’oga, e tolu lava mea na togisilia ai Tafuna High ma ua mautu atu ai le latou tulaga muamua i le aotelega o togi mo lea fa’aeaga.

O mea e tolu sa tulaga muamua ai Tafuna High e aofia ai: tusitusiga tala; tala fa’atino ta’ito’alua ma le Mau Tauloto To’atele.

SIITIA LE TAU O OLOA MASINA O TESEMA 2021 - 2.4%

Mai lipoti o i le tau o oloa i le atunuu mai le masina o Tesema 2021, ua fa’amauina ai le siitaga e 2.4% mai le tau oloa tau taumafa na fa’amauina i le masina o Novema 2021.

O le siitaga i le tau oloa e 10 e sili ona alumia i fa’atauga a tagata lautele mai le 20 o oloa tau taumafa sa filifilia mo le lipoti fa’amaumau a le vaega fa’amaumau fuainumera a le Matagaluega o Fefa’ataua’iga, ua matauina ai lea siitaga, ma o se mea fo’i ua tatau ona vave fai i ai se fuafuaga fa’ataoto a le vaega o le Consumer a le Ofisa o le Loia sili.

O nisi o oloa na filifilia o lo’o aofia i oloa e sili ona alumia e 20, ua tula’i mai e leai se siitaga o fa’ae’e i o latou tau, ua aofia ai le apainu, i’a, fagu vai, talo ma pepa susu, sosisi, fa’i, tuna tuuapa, falaoa, suka ma le mayonaise.

O lo ua iloga mai ua tele se suiga o lea tautua a le Matagaluega o le Fefa’ataua’iga, ona ua mafai ona maua mai tala tau le tau o oloa mo le silafia a le mamalu o le atunuu ia latou lipoti fa’alemasina. O isi lipoti e mafai ona tuufa’atasia mai, o lipoti ta’i kuata ma le lipoti fa’ale tausaga. 

O le aoga o nei lipoti e mafai ona vave maua ai le tala mautu lelei o fa’amaumaua e aoga i suesuega patino i le tamaoaiga tausi o le atunuu ma le tau o le soifuaga i Amerika Samoa.