AMELIKA

SIAMUPINI SE LUPE FAALELE O LE TERITORI I FA’AGATAMA ‘JIU JITSU’

Mai le ta’amilosaga o le ta’aloga pii o le Jiu Jitsu faa-brazilian i le a’ai o Levine, Arizona a tamau ai le manumalo  fa’atolu o le tama o Yuen Jr Taufetee, 13 tausaga le matua, mai Levine Arizona, Nuuuli ma Vailoatai.

O le ta’amilosaga Jiu Jitsu lea fa’a- Brazilian o lo’o faatauva ai nisi fo’i o alo o Samoa o lato tupuaga, le susuga Fata Jr. Avegalio ma sa la toe fetaui ma Taufete’e i le pi’iga saillira siamupini lona lua a Yuen, ma na manumalo ai Yuen ina i ‘ai.

O le ta’amilosaga lea na fa’atautaia ia Oketopa 12, peita’i o lo ua toe koleni nei i latou uma mo le isi toe sailiga Siamupini fo’i i le Masina o Tesema ma e amatalia ia Tesema 07, 2024.

Mai pi’iga e tolu mo le siamupini sa pii ai Yuen Jr ma lana paga muamua o R.J. Woodone ma e 1.49 minute o lena pi’iga ae fa’afiti mai le RJ ua le mafai ona toe faaauau e ia le la’ua piiga.

Ona soso’o lea ma le pi’iga i le va o Fata Jr. Avegalio i le la’ua pi’iga mo le taimi atoa e 4.0minute na malo ai Yuen i ‘ai.

O le pi’iga lona tolu na pii ai Taufete’e ma Joshua Ames ma na taofia le piiga lea I le 3.29minute ina ua le mafai e Ames ona fa’aauau le la’ua pi’iga. O le vaega lea e pi’i ai Yuen o le 134 pauna le mamafa, ma oloo fa’avasegaina o Pi’iga o Tama Talavou, i le 2024 Arizona Brazilian Jiu Jitsu League South West Classic.

O Yuen Jr Taufetee o se tasi o alo e faasino ia Sepora Eve Tagaloa o Vailoa ma Yuen Sr. Taufete’e, o Nuuuli. Na fa’au’u mai Sepora Eve Tagaloa i le Aoga Maualuga i Leone, ae o Yuen o se tasi sa lauiloa fo’i lana ta’alo Football i le tatou teritori,  ae na fa’ai’uaso mai le tausaga 2005 i Nuuuli PolyTech High. 

I le taimi nei, ona o le taumafaiga ua suia le tina o mafuta ma Yuen Sr Taufete’e o le fa’amalosi’au fo’ilea ia Yuen Jr ina ia tauva i lea fa’agatama.

O lo’o una’ia malosi e le tina Mexico lea o Yuen Jr ma nai ona tei laiti ina ia fa’atauva i le JiuJitsu Fa’a-Brazil, ma ua maua le fusi Grey ma le Black o Yuen, ae o Suavai ma Siaosi o lona tuafafine ma lona uso latir, ua lumia nei Grey Belts.

O le nofoaga lava e koleni ai le au pi’i lente o Gracie Barra i Avondale, ma e ta’ita’ia e le tatou faia’oga o Michael Bruner.

Tatalia le isi ta’amilosaga o totoe o lenei tausaga pe tua ma ni a le taumafaiga a le tatou ‘au pii Jiu Jitsu lea I Arizona, “O tou mama na!”

“Le Fitafita Na Galo! - MIA/POW SGT ISAAKO F. Malotumau : USARMY:

E ui ina ua fai i lagi le folauga a lenei Toa manumanu o le atunuu, ua atoa fo’i le 10 tausaga talu ona tu’ua le malo, peita’i, e le o i ai se tasi o lo ua fa’alagia lona avea ai ma Fitafita na misia mai le taua, ona toe fa’apagotaina lea fa’atagataotaua ma ua fa’afetaia fo’i le Atua, na toe fa’asaoina mai, ina ua to’afilemu malo na tau, ma ua toe fa’afo’i aloaia mai ai i latou i o latou malo. 

O ia lenei o le ali’i Satini o le USArmy.

Na soifua a’e Isa’ako Malo i lona afio’aga o Aoa ia Oketopa 18, 1950, peita’i na tauto o ia i le USArmy e avea ma Fitafita Tiute ia Iulai 09, 1970 ma fa’aiu ai ana koleniga fa’afitafita tiute mai Fort Ord, California ia Novema 1970.

O lona vala’auina e tiute muamua lava na avea ai o ia o se tasi o fitafita fanafana i le Comapny B, 3rd Battalion, 22nd Infantry Regiment o le 25th Infantry Division i Viet Nam i Saute. Na soso’o lea ma le fa’atulagaina e avea ma fitafita tiute i le Comapny L, ua fa’aigoaina o le ‘Rangers’ ia Aperila 16, 1971 i le tiute lava o le fitafita fanafana.

Peita’i o Aperila 24, 1971 na saisaitia ai loa o ia ma avea fa’apagota o taua i Viet Nam i Saute lava. E 704 aso na avea ai o ia ma Pagota fa’atagataotaua, ae fa’ato’a fa’asaolotoina loa o ia, fa’atasi ai ma nisi e to’atele sa latou pagatia fa’atasi. Peita’i e i ai fo’i nisi sa le mafai ona toe fo’i mai i lena fa’asalaga, sa maumau ai lava le soitua, ona o le matuitui ma le tigaina o fa’asalaga sa feagai ai.

Na faia se sauniga fa’apitoa e le USArmy ma le Vaega Au na toe fa’afeiloa’ia ai i latou uma sa fa’apagotaina ona o le taua i Viet Nam ia Mati 27, 1973.

Na sosoo lea ma le fa’anonofo ai o i latou na fa’apagotaina ina ia tausia lelei ma togafitia o latou manu’anu’a mai le taimi na fa’apagotaina ai.

Mai ia Aukuso 1973 se’ia oo ia Mati 1975 na tiute ai SP4 Isaako Malotumau o se Test Supervisor i le US Training Center Infantry  i Fort Ord, California. Ona suia lea o se mea na tiute ai o se FIM -43 Redeye Man-Portable Surface to Air Missile System training i Fort Bliss, Texas, ia Mati se’ia oo ia Aperila 1973.

Ina ua mae’a ana a’oa’oga fa’apitoa na sa toe fa’afo’ia loa o ia ina ia ava ma Chief Redeye Team i l Company B, 1st Battalion, o le 36th Infantry Regiment West Germany, ma ia Iuni 1975 se’ia oo ia Aukuso 1976.

O lana toe galuega na fa’atulaga e le Army e galue ai na avea ai o ia ma se taitai o le Squad i le Comapny A, 3rd Battaliono le 32nd Infantry Regiment i  Fort Ord ma ia Oketopa 1976 seia oo ia Iuni 26, 1978 na lautogia ai o ia e malolo taualoa mai ona tiute i le USArmy.

Na tu’ua le malo e SP4 Isaako Malotumau ia Setema 10, 2014, ae ua avea o ia o se Faife’au e laugaina le Upu a le Atua i le Ekalesia AOG Tacoma.

Na toe fa’amau fa’ailogaina le auaunaga a Sgt Isaako F. Malotumau i le Bronze Star ona sa fa’apagotaina o ia mai ia Aperila 24, 1971 se’ia oo ia Mati 27 1973, ae le’i mafai ai lava ona gaua’i o ia e fa’ailoa atu ni fa’amaumauga taua mo le vaega au a Amerika. Na tumau o ia e tatali tiga o le olaga fa’apagotaina, ae tumau ai pea i le alofa moni i lona atunuu o Amerika. O lena tutumau ua fa’ailoa ai le malosi o lona loto ma e le faigofie ona gaua’i e faia mea sese, e lamatia ai lona atunuu ma ona tagata lautele.

O le pine ua taua’aoina o se toe fa’afetai lea a le Malo o le Iunaite Setete i lona alofa moni i lona. atunuu.

O Aperila 27, 1974 na fa’aipoipo atu ai o ia i le tamata’i o Talatalaga Mikaele Fasavalu Nuuuli ma Falelatai, Samoa ma e to’a fa o la’ua alo, 2 tamaitai 2 foa’i aloali’i.

Peita’i i le aso na maliu ai le alii fitafita na galo, sa fanaua ai le isi fo’i aloalii o lana fanau, ma ua avea fo’i o se mea fiafia i le tina o le aiga o lo’o soifua pea ma le fanau, e faamanatu fa’atasi ai ma le atoaga o tausaga talu ona malolo le ali’i fitafita Samoa na galo.

E i ai taimi e ta’utino ai i lauga a lenei tama, “Le faigata sa tauasa mai i nei aso e 704 a’o fa’apologaina i nuu ese, sa matua le mautinoa e lona aiga, poo ola ea pe leai, peita’i o le Atua lava sa tuu atu i ai lana tatalo le leleoa i taimi uma, ma e tatau ia te ia ona matua vi’ia le Atua ma tuu atoa lona ola o totoe mo lana auaunaga i lona Atua, ua ia toe fa’asaoina mai o ia, a’o a’u lava sa manatu lo’u aiga ua maliu faatagataotaua.”