Ads by Google Ads by Google

TALA O LE PASEFIKA


[ata: foa'i]

PASEFIKA

TALITONU TA’ITA’I O NAURU, E LE A’AFIA LE MALO I LE ‘INFLUENZA’

Ua fa’alauiloa mai e ta’ita’i o le malo o Nauru, le le a’afia o le atunu’u i le fa’ama’i o le Influenza, lea ua pesia i Ausetalia.

O lo’o galulue so’otau’au le malo aemaise le minisita o le soifua maloloina, a Nautu ma le malo o Ausetalia, ina ia fa’amaonia le saogalemu o oloa lea o lo’o la’u mai i Ausetalia.

E lua ni fa’ato’aga lafu moa i Victoria, Ausetalia, na fa’amaonia le iai o lenei fa’ama’i ma ua faia ai loa faatinoga ina ia tineia le faama’i.

O motu o le Pasefika ua a’afia i lenei fa’ama’i, ua aofia ai Polenisia Falani, Kiribati, Niu Kaletonia, Niu Sila, Palau, Papua Niu Kini, Samoa, atu Solomona ma Vanuatu.

Ua taofia uma, mo sina taimi pu’upu’u, ia oloa mai i Ausetalia, i motu ua a’afia.

FA’ASALA MATUA I SAMOA PE A LE A’O’OGA FANAU

Ua amata fa’amalosia i totonu o le afioaga o Faleatiu ia le fa’asalaina o matua e le a’o’oga a latou fanau, ma ua o latou u’una’ia isi nu’u ma afioaga ina ia faia foi lea tulaga.

Na saunoa le afioga i le Pulenu’u ia Matagi Tufanua Pati, o le taimi mulimuli lava na sala ai se aiga ona ua taofia a latou fanau mai i le toe o i le aoga, o le tolu tausaga talu ai.

Ta’ua e Matagi, e tusa ai ma tulafono a le nu’u, o le fa’asalaga o se aiga pe a le fa’aa’ogaina a latou fanau, e 500 aumatua po o se sala tupe e $5,000.

Sa ia ta’ua foi, o se tasi o lu’itau e feagai ma le aveina atu o fanau i a’oga, ona o le mamao tua o maota ma laoa a aiga o le nu’u, mai i le alatele, ae o lo’o latou taumafai lava ina ia aua ne’i fa’asalaina i latou.

FA’AAUAU ONA AGA’I I LUGA FUAINUMERA O TAGATA GASEGASE I FITI ONA O A’AFIAGA I LE MA’I SUKA

Ua fa’aalia mai i ripoti mai i le motu o Fiti, le fa’ateleina o gasegase ua mafua ona o a’afiaga i le ma’i suka ma ua avea ma avega mamafa i totonu o le atunu’u.

E le gata i lea, ua avea foi lea tulaga ma atugaluga i le ofisa o le soifua maloloina.

O lo’o ta’ua foi i le ripoti a le Fiji Times, o le to’atele o tagata o le atunu’u, e le o togafitia o latou ma’i suka po o faia tulaga e mana’omia ona faia, e fofoina ai le ma’i suka, ma ua avea lea ma tulaga ua fa’ateleina ai a’afiaga ma fa’aopoopoina ai nisi gasegase i le tino, e pei o le inifeti o a’ao ma i’u ai lava ina tipieseina.