Ads by Google Ads by Google

Tala I Vaifanua

AUAI UMA PISINISI TAU TUPE - OFI - “OFISA O PISINISI TAU TUPE”

 

Ua fiafia tele le Ofisa o Pisinisi Tau Tupe a le tatou malo (Office of Financial Institution - OFI), i le to’atele o i latou e fa’atautaia tautua tau tupe na pa’au ane i le faamoemoe e sainia o latou a’ao i le feagaiga e feso’ota’i ai a latou tautua uma i lea Ofisa o le Malo. Ina ua sainia e Pisinisi uma Tau Tupe o lea feagaiga, ua lesitala ai i latou e fa’atautaia latou ituaiga o pisinisi i le teritori, e afua ia Ianuari 8, 2020.

 

O lenei se sootaga o tautua fa’aletupe sa mua’i pasia mai e le fono faitulafono i le tausaga ua te’a, ina ia lesitala uma ai i latou a’o fa’atautaia latou tautua i le Malo o Amerika Samoa.

 

O le Komesina o lea Ofisa Pisinisi Tau Tupe, Robert Ho Chee, ua ia fa’ailoa, e silia ma le 80% o pisinisi Tau Tupe i totonu o Amerika Samoa ua mae’a saini a’ao nei i le latou lisi o lesitala, ma ua mafua lea vave ona auai fa’atasi o nei sui, ona o le lelei fo’i ona latou tima’ia o le mamalu o nei aufaipisinisi.

 

“O le masina o Novema sa amata ai ona faia a matou fa’asalalauga fa’alaua’itele, ina ia o’o ane sui iloga o so’o se pisinisi o lo’o tautuaina le mamalu o le atunu’u e ala i tautua  eseese tau tupe, ina ia tausia ai aiaiga tau le tulafono o nei auaunaga e pei tamau ai e le tulafono fou ua mae’a pasia 2019 e le fono faitulafono,” o se saunoaga lea Ho Chee.

 

Ua maua uma i le lisi o pisinisi tau tupe ituaiga o pisinisi nei: Pisinisi Tau Faletupe; Pisinisi mo Nogatupe; Pisinisi Inisiua ma latou tautua eseese, Pisinisi Tau Mokesi ma Pisinisi e Tala Tupe.

 

Tau ina ia manino lelei, o le OFI e ese mai le tautua a le DOC lea e totogia ai laisene mo laisene pisinisi i le teritori.

 

Fa’amoenoe Ho Chee e ao ina mae’a lesitala uma pisinisi o Tautua Tau Tupe i le lisi o le lesitala ona fa’asolo loa lea ona va’ai toto’a i le totogi o lo’o tu’uina atu i tagata lautele e lafo ai tupe i fafo atu o Amerika Samoa.

 

E LE’O TALIAINA A’ANO MANU FASI MAI SAMOA - MATA PE FA’AVELA!

 

O lo ua maea ona fa’ailoa muamua, ua mae’a fa’ataga ona aumaia a’ano manu fasi, mata pe fa’avela i le amataga o Ianuari 2020 i totonu o Amerika Samoa mai Samoa. Peita’i ua toe fa’ailoa mai e le Ofisa o le Kovana o le tatou malo, “Ua taofia nei mo sina taimi lea fa’atagaga, ona o lo’o i ai le naunauta’iga o le kovana sili, se’i toe taga’i totoa se ala e sili ona faigofie ma saogalemu i tulaga tau soifua maloloina e fa’atautaia ai lea fo’i manuia ua tatala mai mo le mamalu lautele, e aumaia ai oloa manu fasi mai Samoa iinei.”

 

O Tilafono David Hunter, le CEO o le Minisitry of Agriculture, Livestock & Fisheries i Samoa na ia fa’ailoa maia, “Ua mae’a se fonotaga taua lava i le va o le Minisita o Fa’ato’aga a Samoa, Lopaoo Natanielu Mua, ma le fa’atonu o Fa’ato’aga a Amerika Samoa, Filifa’atali Mike Fuiava, fa’apea ma lona fo’i sui, ina ia mafai ona fa’ataga ona aumaia e le mamalu lautele oloa tau manufasi mo latou fofoga taumafa iinei, pe faia ai fo’i tapenaga mo fa’alavelave o aiga.”

 

E le gata ina fa’ataga le aumaia i totonu o Amerika Samoa, ae ua fa’atulaga fo’i lona tele e mafai ona aumaia ae ua fa’atulaga fo’i le tele o nei oloa e mafai ona aumaia e le tagata malaga e to’atasi.

 

Ae peitai ua toe fa’ailoa mai ua le fa’ataunu’uina ia fuafuaga i lenei vaitaimi ae o lo’o fa’aauau fonotaga i le va o Samoa e lua i lenei mataupu.