Ads by Google Ads by Google

Tala I Vaifanua

MAUA SIAKI O LAFOGA ASO FARAILE NEI

 

O le aso Faraile nei o le a toe taua’aoina atu ai e le Ofisa o Lafoga i si lua vaega o siaki lafoga mo tagata faigaluega totogia lafoga ma faila lafoga ia Ianuari 24-29, 2020.

 

O le aotelega o le tupe fa’aalu mo nei siaki uma e $1.2miliona ma o se mea fo’i ua leva ona fa’atalitalia e le to’atele o tagata faigaluega ua mae’a failaina latou lafoga mai le amataga o lenei tausaga. O le lona fa lea ma le lima o vaega o siaki ua mafai ona taua’aoina mai i le lautele talu mai le amataga o lenei tausaga. Mo le vasega o siaki totogia mo fanau ua fa’aalu ai le $874,105. ae mo totogi o lafoga ta’ito’atasi a tagata faigaluega ua fa’aalu ai le $384,081.

 

FA’AILOA MAI KOVANA LOLO - TALIA MELI AFEA AMERIKA SAMOA

 

Ua fa’ailoa e Kovana Lolo Matalasi Moliga le mafuaga ua talia ai le afea mai e le Meli Tele ma lana pasese Ameriak Samoa i le aso Gafua.

 

“Ona ua fa’auia mai le talosaga a le US Coast Guard o le C/S Norwegian Jewel Cruise Ship ua latou mana’omia se fesoasoani ma e na’o na toe utuina lava o le latou kesi ma isi mea ua mana’omia, ona toe tu’ua lea o le tatou Uafu. O le a le omai fo’i i fafo le pasese. Ae silisili i lea lava tulaga o le mana’omia o i lea fo’i tautua, ua mae’a fa’amaonia, e leai ma se tasi ua maua i le Coronavirus i luga o lea meli la’u pasese.”

 

O le talosaga na fa’ato’ai mai e le USCoast Guard, le ali’i Kapeteni Arex B. Avanni Sector Commander o le US Coast Guard, na afea e lea Meli Fiti ma Tahiti ma o le latou malaga lenei, e ao lava ina toe utuina le latou kesi ma sapalai i Amerika Samoa. Ua mae’a fo’i ona siakia uma le pasese ma tagata faigaluega e leai ma se isi o maua i le Coronavirus.”

 

E le gata i lea ae ua fa’ailoa mai o le to’a 749 o le pasese o lo’o i luga o lea meli, ua tatau ona o’o atu i latou i Hawaii ma e le au la lea vaega o le malaga ta’amilo pe afai e le utuina le kesi i Amerika Samoa. Ona o lea fo’i vaega o le talosaga ua tatau ai lava ona faia se fa’aiuga tatau mo le soifua o nei uso sitiseni o Amerika.

 

“Pe afai tatou te te’ena lea talosaga, pe mafai ea ona tatou tuua nisi o tatou uso o tagatanuu o Amerika i se tulaga e ono lamatia ai o latou soifua? O ituaiga fa’aiuga nei e tatou te o ai e saili i le Atua lo tatou nofo saogalemu ae ia le galo ona alolofa atu ia fa’asaoina le soifua o nisi e toatele,” o se tala lea a le kovana.

 

O le taeao ananafi na tuua ai e le meli ia Amerika Samoa ina ua ma’ea on utu le kesi, ae malaga i Hawaii.