Ads by Google Ads by Google

Tala I Vaifanua


[ata: foa'i]

Pago Pago, AMERIKA SAMOA -

MAUA SIAKI FESOASOANI A DAY CARE UMA I LE VAIASO NA TE’A

 

O le vaiaso na te’a i le aso Tofi ma le aso Faraile na taua’aoina atu ai e le Matagaluega o le DHSS siaki o alamanuia mai le Malo Tele i le mamalu o e faipisinisi Day Care i le atunuu.

 

O nei siaki na taua’aoina na mafua maua ona o a’afiaga o Day Care uma, ma latou tagata faigaluega ona o le Coronavirus. O siaki na tufatufaina ua fa’ailoa mai, pe a tuufa’atasia le tinoitupe na fa’aalu ai e $273,701 mo le 23 o Day Care i le atunu’u.

 

O nei siaki ua taua’aoina ua fuafua e tatau ona totogia ai tagata faigaluega a Day Care uma lava e 209 i latou mo le masina o Aperila ma o lea fo’i ua aofia ai ma le tinoitupe e faaleleia ai nofoaga e tausia lelei ai fanau e fa’aauau ai le auaunaga pe a mae’a lenei motusaga o le tautua ona o le fa’ama’i pipisi.

 

Ua fa’ailoa mai e le fa’atonu Muavaefa’atasi John Suisala, ua toatele lava Day Care ua mae’a taua’aoina mai a latou fa’amaoniga o latou tagata faigaluega ma le totogi o le a totogia ai latou tagata faigaluega nei, e fa’aaogina ai le tinoitupe lea ua atofa atu.

 

O le isi fa’amaoniga moomia lava mai le au faipisinisi Day Care, ia latou toe fa’afo’i mai le fa’amaoniga, ua maea totogia e i latou a latou tagata faigaluega uma ina ua mae’a maua e i latou le tinoitupe ua taua’aoina. E manaomia fo’i fa’amaoniga a’o le’i maea le 2 aso talu ona uma avatua ia i latou siaki.

 

E tatau ona maua siaki totogi a tagata e to’atasi, e le la’ititi ane i le 800 a le tagata e toatasi i le masina. O lo ua mana’omia nei ona fa’aoo uma mai fa’amaumauga ma fa’amaoniga a isi uma Day Care nei e le’i oo mai latou fa’amaumauga. E fa’aauau lava nei peimeni mo le au faipisinisi lenei, ina ia le motusia pe tapunia lenei auaunaga, ona ua leai ni fanau e tausia.

 

O se vaega lea o le fesoasoani mo le tausiga lelei o fanau, ma e tatau lava ona tatala pea faitoto’a o Day Care pe a oo ina toe aluga lelei le soifuaga o tagata uma i le atunuu, i le mautinoa lea ua le ulufale mai le Coronavirus.

 

FOA’I ALO & LATOU FANAU - ETENAUGA LAMYUEN-LUTU MO TAUSIMA’I

 

Ona o le agaga fa’afetai ma le misialofa fo’i o alo ma latou fanau a le tina tausima’i ua malolo manumalo o Etenauga Lam Yuen - Lutu i le galuega fo’i sa tautua ai le latou tina fa’atasi ma nisi o lo’o faigaluega pea, ua latou fiafia ai e faia se foa’i e taualoa ai le auaunaga. a Tausima’i uma o lo’o galulue i le LBJ Medical Center i Faga’alu, ma sa faataunuuina lea foa’i i le taeao o le aso Lulu na te’a nei.

 

“O le foa’i o mea tausami mama e aoga i e tiute ma tausia ai fo’i le soifua maloloina, na taua’aoina e alo ma latou fanau a le uso tausims’i, o se tasi o fa’atina fo’i o lenei galuega i tausaga e tele, le faletua o le Aloali’i  Afoa Moega Lutu, le tina o Etenauga Lutu. Ua auala mai lenei fo’i e avea ma se sao o Etenauga i lenei vaiaso fa’apitoa mo Tausima’i uma i Amerika Samoa. O le agaga fa’afetai tele e talia ai ma le fa’aaloalo le foa’i ua taua’aoina.” O se tala lea a le tina o Helen Seui - Aitaoto, o se tasi o Tausima’i fo’i ua loa lana tautua i le ICU ae o lea ua siitia mai e avea ma fa’auluuluga o le galuega a tausima’ i potu talavai ma Potu taofia a le Pediatrics.

 

O lea foa’i sa fa’aso’o uma lava vaega eseese o lo tautua ai tausima’i uma i totonu o le Maota Gasegase i Faga’alu, ma ua tofusia. Ua va’aia fo’i le sagisagi fiafia o le fanau a fanau a Afoa Moega ma Etenauga Lutu e fa’ataunu’u le latou foa’i e fa’aauala i le latou tina matua