Ads by Google Ads by Google

Tala I Vaifanua

FA’ATULAGA I LATOU MUA’I FAIA SUEGA O LE CORONAVIRUS

 

I le fonotaga ia Me 3 a le Komiti Faafoe o le Coronavirus na saunoa ai Kovana Lolo Matalasi Moliga ina ia saunia mai e foma’i le lisi o i latou e tatau ona muamua faia suesuega o le coronavirus, pe afai a tele sapalai e faia ai suesuega i Amerika Samoa.

 

O le aofai o suega ua faia talu ona amata mai lenei taumafaiga i Amerika Samoa, ua atoa le 107 ma e leai se isi i Amerika Samoa ua a’afia i lea fa’ama’i.  O suega mulimuli lava na faia o le vasega o ma’i o loo auina fa’atopetope atu i va’alele togipau i Niu Sila, fa’apea fo’i ma le teine o lo’o malaga ese atu i le va’alele a le FEMA i Hawaii ona e fia auai e foa’ia sosia o lona ponaivi mo lona tuagane o loo ua maua i le Leukemia.

 

MALAGA TUAFAFINE I HAWAII - FOA’I LONA IVI MO LONA TUAGANE

 

Ua malaga atu nei le tamaita’i o Fa’avela Mauga o le Manu’atele ina ia fesoasoani i le finauga a si ona tuagane e 22 tausaga le matua, ma le gasegase faigata o le Lukemia. O le ituaiga kanesa lea e sosolo i le toto.

 

O le vaifofo o lo’o manaomia e le falema’i o Stanford i Kalefonia, e ao ina foa’ia le sosia o lona ivi, e fa’aaoga e lona tuagane. Ua le fo’i le alofa o Fa’avela Mauga, 18 tausaga le matua, i lona tuagane matua, ua talosagaina le fia oo atu i Hawaii e o fa’atasi ma lona tuagane i Kalefonia, a oo loa i Stanford Hospital, fa’atautaia loa le galuega foa’i mo ia, ina ia toe malosi ai.

 

Lipotia e le HawaiiNewsNow lea tala, aua e ui ina loka femalagaiga i le va o malo, ae ua le mafai ai ona loka ai ma le fa’amoemoe o Fala Letini Mauga, ina ia fa’atautaia le foa’i mai lona tuafafine e ola ai.

 

“Toetoe a le mafai ona faataunuuina lenei fa’amoemoe lelei o le ola, peita’i ua i ai le fingalo o le Atua ua mafai ona ou alu, o le a tulitulimatagau lea ala ititi e oo mai ai le fa’amanuiaga a le Atua mo si o’u tuagane,” o le tala lea a Fa’avela i le sui fa’asalalau i le malaeva’alele i Honolulu.

 

O lo ua mae’a i ai nei i la’ua i LA lea e fa’aatunu’u ai toe la’asaga o le taumafaiga ina ia faia lea foai ma faia loa le taotoga o Letini Mauga ma Fa’avela Mauga, aua taooto uma i la’ua e foa’i mai le sosia o lona ivi e ola ai si ona tuagane.