Ads by Google Ads by Google

Tala I Vaifanua


[ata: foa'i]

Pago Pago, AMERIKA SAMOA - 

 

FUAFUAGA FAATAOTO TOE AMATALIA AI LE FAITAUGA O LE ATUNUU

 

Ua fa’ailoa e le Ofisa o le Faitauga o le atunuu 2020, ua toe tagai toto’a o le afioga le Kovana Sili i le latou fuafuaga e toe amatalia ai lemle latou galuega, ona fa’ato’a toe amatalia ai lea o latou faiva.

 

Ua fa’ailoa mai, “O lo ua matou fa’atalia nei le toe amatalia o le matou faiva, e faitauina uma le fanauiti se’ia oo i tama ma tina ma tagata uma o le tatou atunuu, se’ia mae’a ona toe taga’i toto’a Kovana Lolo Moliga i le matou fuafuaga fa’ataoto o le toe amatalia o le galuega.”

 

Talu mai ona fa’amamalu le fa’asa o le Coronavirus i Amerika Samoa, ua taofia ai fo’i ma le fa’atautaiga o le Faitauga o le Atunuu, peita’i, o lea ua toe tatalaina nei e fa’aauau ona feso’ota’i nisi o le aufaigaluega ma sui o aiga, ua mafai nei la ona toe taga’i le Kovana i le latou fa’atulagaga lea a’o le’i toe oo atu le aufaigaluega i maota ma laoa o le atunuu e fa’ataunuu o latou tiute.

 

Fa’ailoa e le ali’i fa’atonu o Fefa’ataua’iga a le Malo, Fuiavalili Keniseli Lafaele, o le aso ananafi, Aso Lulu, sa fa’atulaga ina ia feutaga’i ai le Kovana Sili ma le fa’auluuluga o le Ofisa o le Faitauga o Amerika Samoa, ina ia latou iloiloa le fuafuaga lea mo le toe amatalia o galuega.

 

Mana’omia e le kovana, fuafuaga fa’ataoto mo le amatalia o faiva o le Ofisa o le Faitauga o lo’o aluga tutusa ma usita’ia aiaiga uma o lo ua fa’atulaga mo le Fa’asa lona lima lenei o le Coronavirus i le atunuu. E patino lona fia mautinoa o le fa’ataunuuina o faiva o i latou o asiasi i lotoifale o aiga mo le fa’ataunuuina o le suesuega fa’apitoa o le faitauga o le atunuu.

 

FA’AMALOSIA KOVANA SUIGA TAGATA FAIGALUEGA FA’AKONEKARATE

 

Ua siisii le saunoaga a le Kovana i nisi o lana Kapeneta e foliga mai e le o fa’atinoa e i latou lona mana’oga, ia lisia mai a latou tagata o lo’o fa’akonekarate e tatau ona suia i le avea ma tagata faigaluega tumau a le Malo.

Mo sui faatonu na ua ia fa’ailoa atu i ai, “Afai o le a outou fa’atuai ona faia o lea tiute ua fa’ailoa atu, ua mae’a ona ou faatonuina le Matagaluega o Tagata Faigaluega a le Malo ina ia latou taga’i toto’a i tou matagaluega ma ma lisi o tagata faigaluega ma suia loa le avea o na tagata faigaluega ma e fa’akonekarate ae ua avea ma tagata faigaluega tumau a le Malo.”

 

Sa ia toe fa’ailoa fo’i, “E le tatau ona soloa’i mai le isi faigamalo tutuli tagata faigaluega nei, ae tatau ona mautinoa o lo’o tumau a latou fo’i avanoa faigaluega.”