Ads by Google Ads by Google

TALA I VAIFANUA


[ata: foa'i]

Pago Pago, AMERIKA SAMOA

 

TALIA US TREASURY FUAFUAGA TUFA AI SIAKI STIMULUS I LE ATUNUU:

 

Ua fa’ailoa mai ua tulata fo’i i le taimi e tufaina atu ai siaki Stimulus i le mamalu lautele o le au totogi lafoga a le atunuu, aua ua mae’a pasia mai nei e le US Treasury le fa’atulagaga e tufaina atu ai nei siaki stimulus i le mamalu lautele. O se tala fa’apitoa lea mai le ali’i sui Teutupe a le malo, Malemo Tausaga.

 

Ua mae’a sainia lea fa’atulagaga e peresetene Trump ia Tesema 17, ma ua fa’atulga fo’i ina ia tufaina atu siaki nei ia i latou uma lava sa faila a latou lafoga i le tausaga fa’aletupe 2020.

 

O tagata matutua uma lava sa faigaluega ma latou fanau ua aofia i a ltou lafoga totogi, ua agavaa e maua a latou ta’i $600.

 

Ua fa’ailoa mai e Malemo Tausaga, “Ua fuafua lenei alamanuia e amata tufatufaina i le isi lua vaiaso o lumana’i, ma o le taimi lava e fa’amatuu mai ai nei fa’atupega e fa’agasolo loa ona taua’aoina atu, ia gafatia fo’i ona fa’aaoga tatau e taata lautele mo a latou pili totogi ma tausiga o latou aiga.”

 

Ua fa’ailoa mai fo’i, “O le muamua lava ona fa’ailoa manino atu I le mamalu o le atunuu le vaitaimi tonu lava e fa’auia atu ai nei alamanuia.”

 

Na maea fa’ailoa atu fo’i e Kovana Lemanu Mauga i lana ulua’i saunoaga i le tulaga o i ai le Malo o Amerika Samoa, o lenei alamanuia e maua ai e Amerika Samoa le aotelega e $23 miliona.

 

Ua fa’afetaia e le teutupe a le tatou Malo, Malemo Tausaga le tula’i mai o Peresetene Trump ma o lana toe galuega lelei lea mo le tatou atunuu mae’a ai lana nofoaiga.Ua le gata i lea ae o le sogasoga fo’i o Kovana Lemanu e fa’avave mai lea alamanuia mo le atunuu lautele.

 

TALI LE ASPA TULAGA MOLI UA FA’APIPI’IA AUNOA MA LE FA’ATAGAGA 

 

O le aso Faraile na fa’ailoa fa’alaua’itele mai ai e le ASPA le latou tali e tusa o le tala na lomia i le Samoa News ona o le 2000 o matauila sa oka e le ASPA ae maua ane ua fa’apipi’ia fa’asolitulafono, o lona uiga e le’i mua’i fa’atagaina mai e le pulega a le ASPA lona fa’apipi’iga. 

 

O lea mataupu na tulai mai i luma o le Maota o Sui i le vaiaso ua te’a e pei ona fa’ailoa e le afioga i le faipule ia  Alumamalu Ale Filoiali’i, ona o lo’o tele afio’aga sa tatalia le fa’apipi’ia o latou moli i o latou alatele ma lumafale o aiga, peita’i ua le au i ai le fa’asoa, ona ua tele moli ua faapipi’ia e aunoa ma le silafia e le pulega a le ASPA.

 

E to’alua ni sui o le aufaigaluega a le ASPA ua la’ua fa’ailoa “Ua mafua lea tulaga ona o le taimi e va’aia ai e isi o senatoa ma faipule ua latou o ane ma talosaga ina ia fa’apipi’ia moli i o latou lumafale ma alatele, ae le au ai le fa’asoasoaina o moli i nuu ma nisi o vaega o le motu sa fa’atulaga e ao ina muamua i ai le tautua.

 

I le fa’amatalaga tusitusia ua fa’ailoa mai e le ASPA ua  le tonu le fa’asalalauga e 2,000 matauila eletise ua fa’apipi’ia ae le’i fa’atagaina. O le aotelega lea o Matauila na fa’amauina mai e le o ni ituaiga o matauila LED ma sa maua e le ASPA le faatupega e fa’apipi’ia ai lea tele o matauila. O le aotelega lea o matauila ua fa’apipi’ia mai le tele o tausaga ae le nao le tausaga ua te’a nei.

 

O le fa’atupega lava lea sa tatau ona fa’apipi’ia ai matauila e le o le ituaiga LED, e ave’esea mai lea matauila tuai ae toe fa’apipi’I atu le matauilf LED fou, peita’i ua fa’amauina fo’i le aotelega e 5,500 matauila e ao ina suia mai alatele ma lumafale o aiga i lisi a le ASPA i le taimi nei.

 

Ua totogia e le Malo le fa’atutuina o moli i alatele ma isi ala e taula uma i ai feoaiga mai maota ma laoa o aiga, ae o moli ua talosagaina e fa’atutu ia fa’amalamalama lumafale o aiga poo auala alo i afio’aga, o lo ua fa’atulaga e totogia e aiga ta’itasi ua fa’atutuina ai nei moli.

 

Ua mae’a manatu le ASPA latou te suia le 5,500 moliuila o lo’o mana’omia ona suia, ma le isi 500 o moli e faaopoopo ina ia saogalemu atili feoa’iga i alatele i le atunuu.

 

“Na amatalia ona suia matauila nei i le ituaiga o matauila LED ia Iulai 2020, ae ua fa’ailoa mai sa toe mana’omia le isi 3,000 matauila e fa’aopoopo mo le fa’amalamalamaina o alatele ma lumafale o aiga sa talosaga mai, ma o le tele o nei matauila e le o aofia lea i le pili  o ttoogia e aiga ua fa’aaogaina nei matauila.”

 

O le aso lea ua patino e faia ai le faitauga aofai o mtauila ua fa’atutuina i alatele, ua fa’atulaga lea e le ASPA mo Fepuari 01, 2021 m a ua fa’amautu fo’i e tatau ai ona fa’amauina atoa e le ASPA ma le aofai o matauila o lo’o totogia e aiga. O le a fa’amauina fo’i so’o se matauila ua mae’a fa’atuina i lumafale o aiga ma suafa o aiga e totogia na matauila.

 

Pe afai o le a mananao nei aiga e latou te totogia nei matauila ua fa’apipi’a i o latou lumafale, o le a ave’esea la e le ASPA na matauila, ina ia usita’ia fo’i le mana’oga o aiga.

 

“Pe afai fo’i o se matauila sa tatau ona fa’atuina mo le alatele, ae ua fa’apipi’ia e fa’asaga aga’i i lou fale ae le fa’asaga sa’o i le alatele o le a pilia lea i lau mita. Ua totogia e le malo nao matauila ua fa’atutu i nofoaga a le Malo ma alatele o le malo, ae le aofia ai moli ua fa’atutu i lumafale o aiga sa talosgaina fa’apitoa mai.”