Ads by Google Ads by Google

TALA I VAIFANUA


[ata: foa'i]

Pago Pago, AMERIKA SAMOA

 

MALO KANANA FOU I LE TUAVAGA O TOMAI & AGAVAA A LE JROTC

 

O le tauvaga o tomai, le fa’atinoga o tiute ma le agava’a o le fanau uma ua a’otauina i tomai fa’amiliteri lea e fa’atautaia e le polokalama o le JROTC i a’oga maualuluga, ua fa’ailoa mai le aotelega o lea tauvaga, ua toe manumalo ai nei le fanau aoga a Kanana Fou High School.

 

O lea fa’atinoga a le fanau e fa’aletausaga ona fa’ataunuuina ma e umi le taimi o a’oa’o ai le fanau a’oga i le polokalama ina ia mautu lo latou iloa i taimi e tu’ufaatasia ai latou palatuni, ma taimi fo’I e ave fu’a ai i latou e ta’ita’ia savaliga. O le fa’atulagaga, o le fa’alogo i fa’atonuga ma aga e tatau ona latou fa’atino lelei ma le mata’alia, o mea ia na togi aga’I I ai lea tauvaga e sui e to’a ono o le USArmy Recruiters Office fa’alotoifale.

 

Na fa’ailoa mai e le susuga le faiaoga o le JROTC i Leone High, Pitolua Samuelu, “E fa mea o le a tauva ai le fanau a’oga i le JROTC i lenei fa’atasiga, a maea ona tuufa’atasia lea o togi e ausia e le fanau e tusa ai o le fa’amasinoga a sui e to’afa lea e fa’atulaga mo le togia o latou taumafaiga, ona fa’ato’a aotelega lea poo ai le a’oga ua togisilia i vaega ta’itasi ma le aotelega o togi uma ua ausia i vaega uma ta’itasi.”

 

I le fa’atonutonuga o le savali i tulaga o le palatuni atoa, ua togia i latou i le mata’alia o le fanau o lo’o aofia atoa ai, o le ma’ai o le fa’atonuga, le mata’alia o le palatuni ma le sa’o uma o le fa’atinoga o gaoioiga i le savali fa’aaloalo, ae maise lava le galulue fa’atasi o totino uma i taimi o tiute fa’atino.

 

O vaega e fa sa faamasinoina ai i latou o le va’aiga lautele o le palatiuni;  fa’atonuga ma le usita’ia gatasi e le palatuni o fa’atonuga, le ta’ita’iga ma le taulima o fu’a e ta’imua mai i savaliga fa’aaloalo, ma le va’aiga lautele i le fa’atinoga atoa e le Palatuni o latou tiute.

 

O Kanana Fou High, o le pau lea o le a’oga tumaoti o lo’o fa’atautaia ai le polokalama JROTC ma ua fa’ailoa mai o lo’o ua matua fiafia lava le latou pulega i lea Laumua ina ua manumalo i latou.

 

O lo ua fa’amalo atu fo’I le fa’auluuluga atoa o le polokalama I le susuga Sgt First Class Kodaro Ala ona ua ausia fo’i e lana a’oga o lo’o avea ai o ia ma faia’oga, le togisilia o lenei tausaga I lea tauvaga.

 

O le fa’asologa la lenei o le taumafiaga a le fanau o l’o’o tauavea le JROTC na tauva i lea fa’atasiaga: Togisilia Kakana Fou, tulaga lua ai le a’oga a Tafuna High, Tulaga tolu ai Leone, tulaga fa Samoana ae mulimuli ai Fagaitua. O si a’oga fo’i lea na fai si tuai ona oo atu a latou fanau a’oga i le fa’atasiga i lena taeao.

 

FA’AAUAU TAPUNIA OFISA O LE SAOGALEMU I AMERIKA SAMOA

 

Mai le tausaga atoa talu mai ona tapunia le ofisa Autu o le Saogalemu i Amerika Samoa, ua toe fa’ailoa mai e le Komesina o le Saogalemu a le Malo tele, Andrew Saul, o le a fa’aauau pea lava ona tapunia o lea Ofisa i le lotoifale o le Malo o Amerika Samoa.

 

Ua fa’ailoa e ui lava ina to’atele le mamalu o le atunuu e mana’omia lava e i latou ona o’o ane e faatalanoa ni a latou mataupu i le ofisa autu o le Saogalemu, peita’i ua motusia lava lea tautua seia oo ina fa’ailoa mulimuli atu se taimi e tatalaina ai.

 

“O lo ua taumafai nei isi auala e mafai ai ona maua pea e i latou uma fesoasoani sa masani ai. E le mana’omia ona oo atu sui e va’aia sui o le Ofisa o le Saogalemu, e mafai lava ona faia nei feso’ota’iga uma i laina tafa’ilagi. Afai fo’i o i ai ni pepa fa’amaumau e mana’omia e le Ofisa e mafai lava ona talosagaina ma fa’ao’o ane i ala ua mae’a fa’ailoa atu i le lautele,” o se tala lea a Saul i pepa o fa’amatalaga. 

 

“Ua faatulaga nei e le Saogalemu se ala e mafai ai ona tuufa’atasia e le sui talosaga pepa o mana’omia ma o le a meli mai ia i matou lea afifi o mea e mana’omia ona muta ai lea o le feso’ota’iga ae fa’aauau le matou galuega i lau mataupu,” sana fa’apupulaga lea.

 

Peita’i pe afai o oe e te mana’o ina ia suia lau pepa saogalemu pe faia ni suiga i lou igoa ma suia ai lau pepa saogalemu, ae le suia fua fa’amaumauga uma o i lau numera saogalemu, o lo ua tapena fo’i se ala e mafai ai ona talanoa mai le sui i nisi o le matou Ofisa ina ia fa’amauina ai mea o e moomia.”

 

O le taimi lenei, ua taumafai lava ina ia faia suiga uma, e le tau va’aia ai e le sui e ona le saogalemu se tasi o le Ofisa Autu o le Saogalemu, i so’o se mataupu lava e fia mana’omia e tagata uma mai le Ofisa o le Saogalemu, e aunoa ma le toe fa’atalanoaina o so’o se sui i le Ofisa mo se fesoasoani.

 

E le o pogisa fo’i le Komesina i le tele o faafitauli i o tatou tagata i tulaga tau upega tafailagi ma le fa’aaogaina e tagata matutua ua agava’a i le saogalemu o ni masini Komipiuta mo feso’ota’iga ma i latou.

 

TOFIA CPO AVEA MA SUI O LE KOMITI FA’AFOE ASEDA

 

Ua fa’ailoa fa’alaua’itele mai fo’i e le afioga Kovana Lemanu P. Mauga se tasi o ana tofiga i le Komiti Fa’afoe o le American Samoa Economic Development Authrity, o le Komiti lea latou mita’i ma va’aia toto’a aluga o le Tamaoaiga Tausi Fa’alotoifale o le atunuu atoa.

 

“Ona o le tofiga ua se’ei ma pasia lelei ai le afioga Tialemasunu Dr. Mikaele Etuale, faatasi ai ona tiute fai i lea tofiga o le Taiulu o le Matagaluega o Oloa & Meatotino a le Malo o Amerika Samoa, ae maise o le agava’a ua ia te ia I tulga tau a’oa’oga, ua mafai ai ona fa’amautu atili lo’u iloa e tatau ona avea o ia ma se tasi o totino o lea Komiti Fa’afoe o le Atina’e o le Tamaoaiga Tausi Fa’alotoifale o le Atunuu.” O se tasi lea o vaega o le tusi fa’alauiloa a le kovana.

 

Ona o lo ua malolo nei le fono fai tulafono, o lea ua manatu ai Kovana Lemanu Mauga, ina ia fa’ato’a fa’aleaoga lea tofiga ua taua’aoina atu i le taimi e mae’a ai le isi tauaofiaga o soso’o mai a le fono faiatulafono i ona maota e lua, lea e ao ina latou pasia mai lea tofiga fa’ato’a fa’aaogaina ai.

 

O le isi vaega atoa o sui tofia a Kovana Lemanu Mauga i lea komiti Fa’afoe ua mae’a pasia mai e le fono faitulafono ua mae’a pasia i ai le teutupe a le Malo Malemo Tausaga; Loia Sili Fainuulelei Ala’ilima Utu, Le fa’atonu o le Uafu ma Malaeva’alele Chris King ma le Fesoasoani Fa’aletulafono a le Kovana Jason Mitchell. O lea la ua avatu I ai ma le CPO o le tatou Malo, Tialemasini Mikaele Etuale, o se tofiga ua alagatatau fo’i o ia mo lea Komiti o le Atina’e.

 

MAUA NOFOA FA’ATA’AVALEVALE O IOPU UELESE - FA’AFETAI LE ALOFA

 

O Iopi Uelese, o se tasi ua leva ona soifua mai ma tausia fa’apitoa i luga o le nofoa fa’ata’avalevale, ua maua nei se isi ona nofoa fou talu mai le aso Faraile talu ai. O lona nofoa fa’ata’avalevale lea sa okaina fa’apitoa lava ma ua maua mai e lanu fo’i i lanu e fiafia ai tele o ia. O le lanu samasama.

 

O le suesuega fa’apitoa a le Matagaluega o le Soifua Maloloina i le tausaga ua te’a, sa iloga ai e I latou na fa’atautaia lea suesuega, ua le toe aoga tele le nofoa tuai lea sa tausia ma fa’aaoga e Iopu mo ana feoa’iga, ma ua tatau ona toe fa’afo’ia lea nofoa fa’ata’avalevale.

 

O le mea la ua tupu, talu ona fa’afo’ia le nofoa sa ia fa’aaogaina, ua le toe mafai ona alu ese mai i fafo Iopu mai le fale, ua le mafai ona fealua’i Iopu pei ona masani ai. Peita’i o le aso Lulu na te’a nei, na matua oo lelei ane le fa’atonu o le DOH, Motusa Tuileama Nua, fa’atasi ai ma nisi o sui iloga o le malo ina ia latou fa’ao’o atu le nofoa fou ma ua agava’a ona fa’atino ai nisi o tiute na te fia faia e ia lava, ao tietie i lona nofoa fou ua i ai nei.

 

O lea vala o le galuega fa’atino mo i latou ua tausi esea i luga o nofoa fa’ata’avalevale ma moega i totonu o aiga, na galulue maumaua’i lava i ai matua o fanau o lo’o i ai mana’oga fa’apitoa i o latou olaga.

 

O le tina o Sandy Scanlan sa lalamua lea i le taumafaiga e saili tupe mo lea ituaiga o fa’amoemoe, ma ua fa’aigoaina i latou “Fa’anofoa o le Alofa Lea! Ma sa faia lava le latou Radiothon  ia Tesema o le tausaga ua mavae.

 “O le fua fa’aaliali lea o lea foi taumafaiga ma o se fiafiaga lea e fa’ailoa atu ai le fa’afetai sili ona o le agalelei o i latou uma sa foa’i. Atonu e le o matou iloaina tou suafa, ae ua silafia lou alofa e le Atua.”