Pago Pago, AMERIKA SAMOA

FOAI E LE KALAPU A LE ROTARY MOEGA MO LE HOPE HOUSE:

O le aso Tofi na te’a nei sa oo atu ai le ali’i peresetene o le Rotary Frank Barron ma nisi o sui o le latou Asosi a le Rotary ina ia fa’ao’o atu ni moega ua foa’ia e le latou Kalapu mo le Hope House. O lea foa’i sa talia mai e le Taitaifono o le Komiti Fa’afoe o le Hope House, ma se tasi o sui o le aufaigaluega a le Atua o le Ekalesia Katoliko Roma Iosefo Tupuola ma le pulega fa’apea le aufaigaluega a le Hope House, ma i latou fo’i o nofoia lea nofoaga fa’apitoa.

O le aso Tofi na te’a nei, sa oo atu ai le ali’i peresetene o le Rotary, le susuga Frank Barron ma nisi o sui o le latou Asosi ina ia fa’ao’o atu ni moega mo le Hope House. O lea foa’i sa talia mai e le Taitaifono o le Komiti Fa’afoe o le Hope House, ma se tasi o sui o le aufaigaluega a le Ekalesia Katoliko Roma, le susuga Iosefo Tupuola, ma le pulega fa’apea le aufaigaluega a le Hope House, ma i latou fo’i o nofoia lea nofoaga fa’apitoa.

O le agaga o le fa’afetai na talia aloaia ai lenei meaalofa taua. O le fa’aopoopoga o nei moega o le a mafai ai ona fa’aopoopo atu nisi e tausia fa’apitoa i le nofoaga. O moega fo’i ua foa’ia, o moega fa’apitoa lava mo e tausia fa’apitoa i luga o moega nei. O se meaalofa taua tele ua fa’ailoa ai le agalelei o le Kalapu a le Rotaray ma o latou sui totino ta’itasi, o e o fa’atinoa galuega lelei mo le Kalapu atoa.

O le susuga le Peresetene o le Rotary Club Frank Barron sa ia saunoa e fa’ao’o atu le latou foa’i ma ua ia saunoa, “Ona o lea ua toeititi lava a mae’a la’u nofoaiga o le Peresetene o le Rotary i le fa’aiuga o lenei vaiaso, ae faia loa le foa’i lenei, o se fiafiaga tele lea ia te a’u, ona ua mafai ona fa’ataunuu lenei foa’i o se samiga o le tautua a le Rotary mo Tama ma Tina matutua, ae maise fo’i o se toe taumafaiga alofa ina ia fa’aoo atu le tautua a le Hope House i nisi o lo’o mana’omia ona tausia fa’apitoa”

Sa saunoa Barron, I le fa’ao’oina atu le latou foa’i, “Ona o lea ua toeititi lava a mae’a la’u nofoaiga o le Peresetene o le Rotary i le fa’aiuga o lenei vaiaso, ae faia loa le foa’i lenei, o se fiafiaga tele lea ia te a’u, ona ua mafai ona fa’ataunuu lenei foa’I, o se samiga o le tautua a le Rotary mo Tama ma Tina matutua, ae maise fo’i o se toe taumafaiga alofa ina ia fa’aoo atu le tautua a le Hope House i nisi o lo’o mana’omia ona tausia fa’apitoa”

“I le agaga o le tautua mo le mamalu lautele o le atunuu, e fiafia ai le Kalapu a le Rotary latou te foa’ia nei moega e lima ua fausia fa’apitoa mo le tausiga lelei o gasegase i luga o moega, i latou ua mana’omia ona tausia fa’apitoa.” O se toe fa’amatalaga lea a le ali’i peresetene, lea o le a faamaeaina lana tautua I le aso 3 o Iulai, 2021.

Na tali fa’afetaia lea foa’I taua tele e le ta’ita’ifono ma ia fa’ailoa ai, “O le talileleia mai o lenei fa’atoga a le Hope House mo ni moega ua iloga ai le agaga o le Rotary Club i le fa’aleleiga o le tautua mo i latou uma aua ua i ai mana’oga fa’apitoa mo le tausia esea fa’apitoa. O le fa’afetai mai le ta’ele o le agaga ua taumafai e fa’ao’o atu, ia te outou o totino uma o lenei Kalapu aoga tele mo le atunuu, lea fo’i ua fa’ailoa i le vave ona outou fa’atinoa mai o lenei mana’oga taua. Ia fa’atutumu pea o outou agaga i le agalelei mo i latou e i ai le mana’omia i le atunuu, ma ia outou fa’atinoa ai galuega lelei fa’apenei. O le upu lava o le tusi. Ia sili manuia o outou o foa’i ma le loto, nai lo e talia mai. Ia fa’atutumu e le Atua me aua fa’agaogaoina ona o lenei foa’I ua fa’atino ma le alofa i le aso nei.”

Na patipatia le foa’i ma le agaga fa’afetai e i latou uma lava o lo’o tausia fa’apitoa i le Hope House ae maise ai lava le tina ua 96 tausaga o le soifua, Nalei Moors, o se tasi mai Hawaii, ae ua toe fo’I mai lava I Samoa ona o lona agaga atoa i le tatou nei atunuu, ma o ana uo mamae uma o iinei uma, ae silisili ai o le agaga alofa o tagata Samoa e taua lava ia te ia.. O ia lenei sa auai i le tele o fa’alapotopotoga i le atunuu e tautuaina ai tagata lautele i ala esese, a’o talavou mai ma si ona to’alua o Oliver Moors.

Mai lea tina o Nalei sa ia fa’ailoa mai ai lona loto,”O le mea tonu lava lea sa ou toe filifili ai ou te toe fo’i mai i Amerika Samoa, aua ou te iloa le alofa moni ma le agaga o le aganuu fa’asamoa, ia tausia lelei tama ma tina matutua, fa’afetai lava mo le foa’i o nei moega fou e lima, o se meaalofa sili lea ua matou mauaina, aua e i ai nisi o fia ulufale mai ma nonofo ma i matou, ae ua le maua ni moega e fa’amautu mai i ai. Fa’afetai tele Rotary,O se lagona ese ua oo mai ina u aua va’aia se tasi o Kalapu sa matele ina sapaia fo’I latou taumafaiga a’o talavou i ma’ua ma le tam aua malolo mai i ti’asa. ”

O le susuga Solomona Tuia sa avea ma sui o i latou o alaala i le Hope House e fa’ailoa mai lo latou agaga fa’afetai tele e talia ai ma le fa’aaloalo le foa’i ua to’ia ai le latou nofoaga o fa’amoemoeiga i le aso Tofi ua te’a.

Ona saunoa ai fo’i lea o le tamaitai o lo ua ia pulea nei ma fa’afoea mai le Hope House Toleafoa Katie McCutchan fa’asautualua ai le agaga o le fa’afetai.

O le tala mai lenei poloketi e na’o le 3 lava masina na talosaga atu ai le Hope House mo ni moega i le Rotary Club, ae o lea ua fa’atino mai le foa’i a’o le’i tu’ua le nofoa o le Peresetene e le susuga Frank Barron.

MANATUA E LE PACIFIC CULTURAL CENTER LE NA FA’ATULA’IA LE SIVAAFI POO LE AILAO AFI I LE LATOU NOFOAGA: PULEFANO GALEA’I

Ia Iuni 5, 2021, ua fa’alauiloa mai ai e le Polynesian Cultural Center i se latou fa’asalalauga e manatua ai le susuga Pulefano Galeai, lea ua fa’aofia atu i lisi o fa’afiafiaga fa’ale-aganuu mai Samoa I le lalolagi atoa, le faagatama o le Siva Afi.

O le susuga Alfred Grace, le peresetene ma o le CEO fo’i o le Polynesian Cultural Center sa ia fa’ailoa mai, “O Pulefano o se tasi e le malie gofie i se mea pe aia loto e fa’atino. O le tele o ana galuega e faia ma le mafaufau lelei ma le tonu. E le manatu ina ia fa’ataga faia se mea, ae loto ia matua fa’atula’ia ma fa’aofo ai le to’atele i le mautu o ana fuafuaga ma ana fa’atinoga o mea uma e aofia ai o ia.”

“E 24 tausaga o lana tautua i le PCC lava ia, ae oo lava i taimi e le’i amatalia lana tautua i le PCC ma le taimi fo’i ua litaea ai o ia mai lana lea tautua sa tele lava se a’afiaga o ana tautua ma ana fa’atautaiga o polokalama fa’afiafia i le PCC sa le tu’ua ai ina ua le aofia o ia i  fuafuaga uma. Sa lagona e i matou uma i le pulega ma le aufaigaluega le misia o ia.i le fa’atulagaga ma le fa’atautaiga o matou polokalama fa’atino uma.”

“O ana taleni e olaola pea i o matou agaga ae maise o fa’atinoga o tu ma aga fa’asamoa i le PCC. E avea lea ma lamepa mumu pea e manatua ai lenei alo o Samoa sa matou maua le avanoa e galulue sootau’au fa’atasi ai, ma fa’asoa mai ana taleni i ala tau fa’afiafiaga fa’aleaganuu. O lona alofa fa’asoa mai, o ana taleni sa ia fa’atula’ia i totonu o le PCC, e tumau ai ma o le a avea ma fa’amanatuga ia i matou uma ma i latou e maimoaina a matou fa’afiafiaga ma fa’afofogaina matou matou fa’atinoga uma o tu ma agaifanua a Samoa i le PCC. Tofa my feleni.” O se toe manatu fa’aalia lea a le CEO o le PCC.

TELE NA’UA TAIMI FIAFIA OLE OLAGA FA’ATASI:

O le sui peresetene m fa’afiafiaga uma i le PCC, Delsa Moe, sa ia fa’ailoa maia le tele o latou taimi fiafia fa’atasi ma Pulefano Galea’i. “O le galue e Pulefano e le’i fa’ata’eta’ealuga, sa matua faatino lava e ia le atoaga o lona silafia ma lona silafia e fa’atino ai lana galuega. E le faigofie ona toe fa’atino e se isi le galuega lea ona e fai si maualuga o le la’asaga sa tu’uina i ai e Galea’i tulaga o fa’afiafiaga Fa’asamoa i le PCC i lona vaitau.”

“E fiafia tele o ia i fa’afiafiaga fa’aleaganuu, ae maise lava lona fiafia tele i le Siva Afi, le fa’amatalaina lelei o fa’afiafiaga fa’asamoa, ma fa’asalalauga o talatuu tau le tala fa’asolopito o fa’afiafiaga  ma fatuga o pese fa’asamoa e aofia i fa’afiafiaga. O le sootaga o na mea e tolu e ao ina mua’i mautu lelei ma agatonu i le tuufa’atasiga e Pulefano Galea’I fa’ato’a manatu loa o ia e fa’atino se fa’afiafiaga.”

“E le o oe o se tasi e tatau ona siva i le Siva Afi, pe afai e te le iloa le tala’aga o lea agaifanua a Samoa, e patino ia Samoa, ma e fa’atino fo’I e le tagata Samoa ua mautu ia te ia lona silafia ona siva ai ma le tala’aga o le siva lea mai lona amataga.” O se fa’amatalaga lea e le mafai ona galo ia i matou e tusa o le Siva Afi le sao o Pulefano i le matou galuega, ma e fa’aauau pea lava, ina ia manatua ai pea le alo ma o le tamali’i o Amerika Samoa.

“O Pulefano Galea’i e fiafia tele i fa’afiafiaga ma a’oa’o le to’atele o se faia’oga o le aganuu ma le gagana Samoa. O se tasi lea o mea i lona olaga atoa ma i matou e matou te manatua ai pea o ia, O lona fiafia tele i le siva afi ma fa’amaumauga uma lava e tusa o lea agaifanua a Samoa, ma ala uma lava e tatau ona fa’asaoina mai ai so’o se tasi e fa’atinoa lea siva ina ia le mu mai le afi o le siva, o se mea e le atoatoa i taimi uma e fa’atino ai ona fa’asaoina mai ai se tasi e siva.”

“E ui la ina o lo ua mae’a fa’amauina le suafa o Pulefano Galea’i o le na mua’i fa’avaeina le World Fireknife Championships, ae o ia o se uo mamae ia i matou e to’atele. E le taitai malolo Pulefano pe afai e le’i mafaia e ia ona fesoasoani i se tasi ua loto e fa’auia i ai sana fesoassoani. E fa’amasani gofie i so’o see tasi e tausa’afia ona uiga mo tagata uma e fa’afaigofie ai ona fa’amasani nisi ia te ia.”

O ia o se uo mo tagata uma, e faigofie ona talanoa ia te ia, ma e le fa’ailogaina e ia so’o se tasi, e fiafia tele e mafuta atu i so’o se mea e auai i ai tagata o atumotu o le Pasefika.”

“Ona o lona agaga i tagata latou te faigaluega fa’atasi, e le taitai ona avea e ia se fa’aeaga sa tatau mo so’o se isi lava na galue. O ia o se tasi e mautu lona iloa o se tasi, aua e va’ai toto’a lava ia i uiga ma mana’oga o tagata uma. E taua ia te ia lagona o i si  E fiafia o ia e fesoasoani i nisi e fa’aleleia atili ai latou galuega ma o latou olaga.” O se tala lea a le tamaitai sa umi o la’ua faigaluega fa’atasi ma Pulefano.

FA’ALETONU SOOTAGATA O TELEFONI A LE ASTCA I LE MANU’ATELE:

Ua fa’ailoa mai e le ASTCA le tulaga fa’aletonu o Laina o Telefoni ma le Televise fa’apea ma le Initenti o lo’o fesootai ai i tatou ma le Manu’atele. Ua le gata la i laina feso’ota’i Masani o telefoni e toso laina, ae ua fa’apea fo’i, ma laina o telefoni feavea’i.

Ua tele taimi ua taumafai ai ina ia oo atu nisi o le aufaigaluega ina ia toe faaleleia nei tautua lautele mo le Manu’atele, ae ua le mafai ona o tulaga o le tau o lo’o a’afia ai le atunuu atoa i le taimi nei.

O le vasega o Inisinia lea o lo’o tau fa’aoo atu i le Manu’atele, peita’i o lo’o a’afia pea le atunuu ae maise lava le Manu’atele I le tau sousou ma matagi malolosi, fa’apea ai ma timuga.

O lo’o faia fo’i nisi o nei ituaiga o galuega mo feso’ota’iga ma Aunuu i le tiami nei.

Pau le sootaga o e o faigaluega I le va o Manu’atele ma le ASTCA o latou telefoni fa’asatelite, ma o taumafaiga uma e tatau ona toe fa’aleleia ai so’otaga e le o mafai ai.

Ua fa’ailoa mai, o le avanoa muamua lava o le a mafai ai ona fa’aoo atu se aufaigaluega mo le fa’aleleia o nei sootaga uma o lo’o mana’omia. E le o toe i ai se taofiga o galuega fa’alelei o tautua nei a le tatou fale telefoni pe a oo ina maua se avanoa mo se va’alele e totogi pau, va’a e malaga i le Manu’atele ina ia avatu ai le aufaigaluega mo nei galuega toe fa’aleleia o laina feso’ota’i.

O lo ua faamalulu mai fo’i le pulega ma le aufaigaluega i le mamalu o loo alaala i le Manu’atele, ona o le motusia o tautua e tatau ona latou fa’aaogaina e feso’ota’i ai ma le mamalu lautele ma aiga, a’o e pele fo’i ia i latou.