Ads by Google Ads by Google

Tala I VAifanua


[ata: foa'i]

Pago Pago - AMERIKA SAMOA

FAAULU E LE KOVANA PAKETI A LE MALO MO LE TAUSAGA TUPE 2024

Ua tauaaoina nei e le Fono Faitulafono ia le Paketi a le Malo o Amerika Samoa mo le faatupeina o ana polokalama faapea le totogiina o lana aufaigaluega, i le tausaga tupe o le 2024, ma ua maitauina le fai o sina pa’u o le paketi mo le tausaga fou pe a faatusatusa i le paketi o lenei tausaga.

Na fa’aalia e le afioga i le kovana sili, le tulaga lelei o le tala o le tupe a le malo aemaise ai o tupe maua.  

O lo o faamoemoe o le vaiaso fou o le a amatalia ai iloiloga a Maota e Lua o le Fono Faitulafono mo le pasiaina o lenei paketi.

E fa ni vaega ma’oti ua faapea ona vaevaeina ai le paketi a le malo mo le tausaga fou, e aofia ai polokalama faatupeina tupe feterale (feterale grants), e $275.34 miliona; o Tupe maua mai i pisinisi a le malo (Enteprise Fund), e $236.32 miliona; tupe maua mo le faaleleia o le lotoifale (CIP funds) $$10.26 miliona, ma tupe maua lotoifale (local funds), e $143 miliona.

FIA MALAMALAMA ATILI FAIPULE I FAAUPUGA O LE PILI E TOTOGI AI TAGI FAASAGA I LE MALO

O le aso gafua na sei mavae atu nei, na faia ai se iloiloga a le Komiti o Paketi ma Tupe Faasoasoa a le Maota o Sui, i lalo o le taitaiga a le afioga i le alii Faipule ia Vailoata Amituanai, mo le iloiloina ma le faamanino atili o se pili sa faauluina mai e le Faigamalo, mo se vaegatupe e $28,000 e totogi ai se vaega o tagi o loo faasaga i le malo o Amerika Samoa.

Na auai i lea iloiloga le susuga i le Loia Sili ia Fainuulelei F. A. Utu faapea le susuga i le Faatonusili o le Ofisa o Tupe a le Malo, le susuga Malemo Tausaga.

E lua ni vaega na finagalo afioga Faipule e fia malamalama atili ai.  Muamua, o le faaupuga o le pili e faapea, o lenei vaegatupe, o le a totogi ai tau o sina vaega o tagi, ae le o le aofaiga atoa o tagi.  Ma le lona lua, na fia malamalama afioga i Faipule po o fea o le a faatupeina mai ai lenei pili.

Na faamanino e Fainuulelei ma Malemo i afioga i Faipule, e fitu ni mataupu po o ni tagi faasaga i le malo o Amerika Samoa o lo o manaomia ona totogia.  Ma o le faitau aofa’i o tupe totogi i nei tagi, e $453,000, ae ua mae’a ona totogi le ta’i $25,000 i nei tagi e fitu.  Ae peitai, o lo o totoe pea le faitau aofai e $278,000 e le i totogia, o le aofaiga lea o le pili taufaaofi lea ua i luma nei o le Maota Fono ina ia mafai ona pasiaina.

Ma e tusa ai ma tulafono faavae a Amerika Samoa, a silia ma le $85,000 se vaegatupe e faaaogaina e totogi a tagi faasaga i le malo, e manaomia lava ona pasia muamua mai e le Maota Fono.

Sa faamanino foi e Fainuulelei ma Malemo, o lo o iai se faamoemoega o le a mafai ona maua mai le tupe e faatupeina ai lenei pili mai i le Paketi Faaopoopo 2021 e $7.4 miliona, lea o lo o maoti le iai o se vaegatupe e $500,00 e totogi ai so’o se tagi e faasaga i le malo.