Ads by Google Ads by Google

Toalua ua maliliu i le fa’ama’i o le KOVITI-19


[ata: foa'i]
ausage@samoanews.com

Pago Pago - AMERIKA SAMOA

Ua faamaonia mai e le Komiti Faafoe o loo gafa ma puipuiga o le gasegase o le KOVITI-19 le maliliu ai o tagata e to’alua mai le atunu’u ona o lenei fa’ama’i.

O le Tina e 55 tausaga le matua lea na maliu i le po o lea so Faraile na te’a nei, Mati 25, o ia lena ua to’alua i ai tagata ua faamaonia le maliliu i lenei fa’ama’i.

E tusa ai o faamatalaga na tuuina mai, na taua ai le faanatinati atu o le Tina i le Falema’i o le LBJ i le aso Lulu mo togafitiga ae maliu ai i le po o le aso Faraile na te’a nei.

E tele gasegase na aafia ai le Tina ua maliu. Sa taua fo’i le fautuaina o ia e le Foma’i i le tausaga na te’a nei e faamama lona toto ona o se faaletonu i ona fatu maa peita’i e lei talia e le Tina le fautuaga.

Ua maua foi i faamaumauga, e lei faia se tui o lenei Tina ina ia puipuia mai ai o ia mai le faama’i.

O le ulua’i tagatanu’u na faamauina le maliu i le faama’i, o se Tama e 44 tausaga le matua ma Aasu, lea fo’i na faamaonia mai le tele o gasegase o le tino e aafia ai, e aofia ai ma afiaga o le fatu. 

Ua uma ona fai tui o lenei Tama.