Ads by Google Ads by Google

Toe tofia Galoia fa’atonu le tumau Matagaluega o Su’esu’e ma Lavea’i


[ata: foa'i]

Pago Pago - AMERIKA SAMOA

 

Ua toe tofia e le faigamalo a Lemanu Talauega le susuga ia Fa’amasino Upuese Galoia e avea ma faatonusili le-tumau o le Matagaluega o Su’esu’e ma Lavea’i a le malo o Amerika Samoa. 

 

O lea toe tofiaina e le lutena kovana, Talauega E. V. Ale, e ala i se fa’amaumauga ia Fepuari 08, na afua mai ina ua le mafai e le Fono ona fa’amaonia le avea o Galoia ma fa’atonusili o le matagaluega fou a le ASG.

 

A o tuuina atu e le Maota o Sui lana faamaoniga, na teena e le Maota Maualuga le faatonu-filifilia. E mana'omia le fa'atagaga e Maota e lua o le Fono Faitulafono sui filifilia fa’atoa fa'amaonia aloaia e lea e le Fono.

 

E fa’ailoa atu e le Samoa News e fa’apea, e ui ua toe tofia Galoia e avea lea tofi, ae e le faapea o le a toe tuuina atu lona suafa i le Fono mo se faamaoniga.

 

E iai le filifiliga a le Faigamalo e lafo atu i le Fono se sui filifilia fou i le taimi o le tauaofiaga o loo i ai nei-lea ua malolo nei ma toe tauaofia i le aso 13 o Mati-poo le toe tuuina atu o le igoa o Galoia i Tauaofiaga lona Lua a le Fono Faitulafono, lea e masani ona amata ia Iulai.

 

E tusa ai ma fa’amaumauga a le Samoa News, e na’o Galoia le fa’atonu-sili-filifilia ua te’ena e le Senate talu ona tula’i mai le Faigamalo a Lemanu-Talauega i le foe o le faigamalo i le masina o Ianuari 2021.