Ads by Google Ads by Google

Tofia kovana komiti fa’apitoa mo le fausia o le falema’i fou i Tafuna


[ata: foa'i]

Pago Pago - AMERIKA SAMOA

 

I se tusitusiga a le kovana sili ia Lemanu P.S Mauga ia Mati aso 07, 2023 sa ia faalauiloa ai le faavaeina o se komiti faapitoa, e toaiva ona sui e fa’agasolo ai le fa’agaoioia o le galuega mo le fausia o le falema’i fou i Tafuna. 

 

E pei ona lipotia muamua e le Samoa News, o lea ua ta’ita’ia e le Matagaluega o le Soifua Maloloina lenei galuega, le fale fou e 40 moega e fausia i Tafuna, ae le o le LBJ Medical Center. Ma o le fa'atupega o le poloketi e maua mai i vaega tupe a a Amerika Samoa mai le tulafono feterale a American Rescue Plan Act (ARPA).

 

I lana fa’amanatu i sui o le kapeneta, na ta’ua ai e le ali’i kovana le tele o alaga’oa ua saunia e le ARPA mo Amerika Samoa e tali atu ai i fa’afitauli o lo o tula’i mai pe fa’ateleina ona o le fa’ama’i o le COVID-19.

 

Sa ia ta’ua e fa’apea, o se tasi o itu e taua tele, o le mana’omia lea o le fa’alauteleina o le agava’a mo le soifua maloloina e fa’aleleia atili ai le soifua maloloina o tagata o Amerika Samoa.

 

E le gata i lea, o le toe fa’aleleia o le LBJ Tropical Medical Center ma le fausiaina o se falema’i fou i Tafuna, o lo’o ave i ai le fa’amuamua mo tupe o lo o maua mai i le ARPA.

 

"E ui o loʻo faʻaauau pea le alualu i luma fuafuaga o le falemaʻi fou, o le taimi e taua tele ona ua lata mai taimi faʻaalu a le ARPA," o lana tala lea.

 

"Ina ia faʻafaigofie taumafaiga ma faʻagasolo lelei le galuega," na fa’atulaga ai e le kovana se komiti i totonu o le Ofisa o le Kovana "o le a nafa ma le vaʻaia o le fausiaina o falemaʻi fou".

 

O lenei komiti, fa’aigoaina o le, "Steering and Construction Management Committee" (SCM Committee) o le a faʻaaogaina o latou tomai i latou lava matata e faʻamautinoa ai o loʻo faʻamalamalamaina lelei fuafuaga, o loʻo faia le alualu i luma, o loʻo tausisia tulafono faʻalotoifale ma feterale, ma tuʻufaʻatasia punaoa talafeagai e tusa ai ma le tusitusiga a le kovana. 

 

O le komiti o loo taitaifono ai le faatonu o le Soifua Maloloina ia Motusa Tuileama Nua, ma o sui o le komiti: sui LBJ Dr. Akapusi Ledua, o le faatonu o Galuega Lautele a le malo ia Faleosina Voigt, o le faatonu o le Medicaid Office Sandra King Young, o le faatonu sili o le Ofisa o le ASG’s ARPA, Keith Gebauer, o le Pule Sili o le aufaigaluega a le Kovana Loa Tauapai Laupola, fa’atonusili o le Matagaluega o Fefaatuaiga Petti T. Matila, fa’atonusili o le Ofisa o Fa’alavelave fa’afuase’i ma le Suau’u ia Lisa Tuato’o ma le Loia Sili ia Fainu’ulelei Falefatu Alailima-Utu.

 

Saunoa le ali’i kovana e fa’apea, o tofiga nei e faia mo i latou o lo o i ai i tofiga ta’itasi, ae e le o patino i tagata ta’ito’atasi.

 

Na fa’ailoa fo’i e Lemanu o tiute tauave a le komiti:

 

• Fa'atulaga se nofoaga e fa'afeso'ota'i e galulue sa'o ai le vaega inisinia (A&E) ma isi konekarate;

 

• Fa'atulaga le feso'ota'iga talafeagai i le va o le Komiti ma le kamupani A&E ma konekarate ina ia mautinoa le alualu i luma;

 

• Fa'atino le matafaioi a le vaega o lo'o fa'atauaina mo le fa'afoeina o lenei poloketi, e aofia ai le fa'ataunu'uina o lipoti ma le tausisia o mana'oga;

 

• Toe iloilo tala o le poloketi, pe a mana'omia;

 

• Va'aia le fa'afaigaluegaina e mana'omia mo le fa'afoeina o galuega fa'atino e tusa ai ma tulafono ma fa'atonuga a Tagata Faigaluega;

 

• Va'aia gaioiga talafeagai o fa'atauga e tusa ai ma tulafono a le malo ma Fa'atauga; ma

 

• Ia usita'ia mana'oga ma faiga fa'avae uma a le ARPA Oversight Office.

 

Saunoa le alii kovana e faapea, o le taitai komiti, o le a nafa ma le faatulagaina o taimi ma mataupu o le fono. I le tulaga e mafai ai, o le auai i sauniga e tatau ona faia e le tagata lava ia, e ui o le auai mamao o tagata e faatagaina pe a manaʻomia.

 

“O le faia o fa’ai’uga a le Komiti e fa’amoemoe e faia e ala i felafolafoaiga ma maliliega fa’atasi ai ma se vaega to’atele o sui e mana’omia mo le pasiaina o se lafo,” o le fa’aaliga lea a Lemanu. “O se korama i lenei tulaga o le a toalima tagata.”

 

“Ona o le utiuti o le taimi e faatino ai le galuega, afai e le mafai ona taunuu i ai ni faaiuga, e tatau i le Komiti ona tuuina atu soo se mataupu e tatau ona fai i ai se faaiuga i le Kovana mo se faaiuga mulimuli,” o le saunoaga lea a Lemanu.

 

I le fa’aiuga na saunoa ai le ali’i kovana e fa’apea, o le a i ai pea le Komiti se’ia o’o atu i se isi taimi o i luma, ma e na’o le fa’amoemoe e fa’ataunu’u ma le fa’amae’aina o le poloketi fou o le Falema’i.

 

Ma sa ia talosagaina uma ofisa o le ASG le galulue faatasi ma le lagolago i galuega a le komiti.