Pago Pago - AMERIKA SAMOA

O le fa’aiuga o le masina ua te’a sa fa’aulu ai i le Maota o Sui se tulafono taufa’aofi mo se auala mautu e laisene ai Vaa fagota Amerika poo purse seiners o loo fagogota i lalo o le fu’a  a Amerika, e ulufale mai i Amerika Samoa. 

E tusa ai ma le faatomuaga o le tulafono taufaaofi o le fuafuaga faailoa mai e le Matagaluega o Uafu ma Malae Va’alele, Matagaluega o le Gataifale ma le Vaomatua se manaoga malosi e fausia se faiga laiseneina i totonu o le atunuu mo vaa purse seiner lea o le a fesoasoani i le teritori i le sailia atoa o motu laiti Atinae. Fa'amanuiaga a le Setete/Teritori Auai i totonu o Komisi o Faigafaiva i Sisifo ma Tutotonu o le Pasefika (Western and Central Pacific Fisheries Commission).

“O le tamaoaiga o Amerika Samoa e faamoemoe tele lava i luga o faigafaiva ma e taua tele le faatumauina o lea alaga oa, aemaise o lesi lea sao tele i tupe maua mo le Teritori. Ma o le mafai ai ona faatino laisene o vaafagota Amerika  i totonu o Amerika Samoa, e o e fagogota ma faatau mai a latou i’a i falei’a i totonu o le teritori, o le’a aloa’ia ai foi ona ta’u ole fuā vaa fagota a Amerika Samoa,” o se vaega lea o le pili.

“O le tulafono lea e amata ai faamaumauga o le fuā vaa o faafagota e fatau mai a latou i’a i Amerika Samoa, mo le fale tuu apa i’a poo le toe avatu i luga o isi vaa.”

O le tulafono taufaaofi e faavaeina ai se vaega fou o le tulafono a Amerika Samoa. 

E tusa ai ma le pili tau faaofi, o le aoga o lea tulafono e faia ai laisene e tuta mai ai vaa ole fua vaa Purse Seiner  o loo faatau mai ana i’a ile fale i’a poo le ave i luga o isi vaa, mo le lagolagoina o Fale i’a i Amerika Samoa.

Ae o le Faatonusili o Uafu, o ia e atofaina tiute i lalo ole vaega o lea tulafono, e pei o le avatu o le laisene i ‘au fai vaa,  poo le kapeteni o le Purse seiner , poo le tagata nate faauluina le talosaga ma faamaumauga e mana’omia  e le Faatonusili o Uafu faatasi ai ma tupe totogi.

E tatau i le Faatonu o Taulaga ona faatino tiute i lalo o lenei mataupu; e pei o le tu’uina atu o se laisene tulaueleele i so’o se tagata e ana po’o se fa’afoeina o se purse seiner e tu’uina atu le talosaga ma pepa o lo’o mana’omia e le Fa’atonu fa’atasi ai ma le totogiina o le pili e mana’omia.