Ads by Google Ads by Google

Tu’uaia Fagaese Tamale fa’aoo lima i lona uncle


[ata: SN]

Pago Pago - AMERIKA SAMOA

 

E $10,000 le tupe lea ua faatulaga e le fa’amasinoga e tatala ai Fagaese Tamale i tua, ona o le faalavelave lea na tulai mai i le vaiaso na te’a nei i Nu’uuli, lea o lo o tuuaia ai le ua molia i lona sasaina o lona uncle i se uamea.

 

O lo o tu’uaia le ua molia i le faaoolima i le tulaga lua ma le tulaga tolu.

 

O le amataga o le vaiaso lenei na tula’i ai Tamale i luma o le Fa’amasinoga Fa’aitumalo, lea na fa’ataunu’uina fa’aaoga ai upega tafaiilagi. O le alii leoleo suesue o lo o i ai i lenei mataupu o Fualaau J. Liua.

 

E tusa ai ma le mataupu a le malo, na maua ai e leoleo se valaau mo se fesoasoani i le maea ai o le mataupu o le faaoolima.

 

Na taua e le na a’afia i Leoleo e fa’apea, na tu’i e lona nephew lona ulu. Na aga’i atu Leoleo i le sailia o Tamale i lona fale i Nuuuli, ma taofia ai loa o ia ma ave i le Ofisa o Leoleo i Tafuna mo su’esu’ega.

 

O loo taua i le tagi a le malo e faapea, e le o se taimi muamua lea ua tupu ai se tulaga faapea i le va o Tamale ma lona uncle.

 

O lo’o fa’amatala i le tagi a le malo, tuuaiga i mea na tupu na mafua ai tuuaiga faasaga i le ua molia. 

 

Na taunuu le EMS, ma ave le na aafia i le falema’i mo togafitiga i manu’a i lona ulu.