Iosua 24"14-18; Luka 14:25-33

I le tatou faitau atu i ai i le tusi faaevagelia a Luka, o i'ina tatou te iloa lelei ai le alu o Iesu i totonu o Ierusalema, e sauni i ona puapuaga ona o faiga a le tiapolo ma le la taua ma Iesu o lo o faia pea. O tagata poo 'motu' o tagata ia na mulimuli ia Iesu i lea mea ma lea mea, i lea aso ma lea aso, i le tolu tausaga ma latou mulimuli ai ia Iesu, ua oo nei i le taimi o le a fesiligia e Iesu.

Ua te fetalai atu foi Iesu ia latou, "Afai e sau se tasi ia au, a e le 'ino'ino i lona tama, ma lona tina, ma le ava, ma le fanau ma uso, ma tuafafine e oo lava i lona ola, e le mafai ona fai o ia ma'u soo."

E manatua ai lana fetalaiga i le mataupu e (Luka 9:57, 60, 62) 'Ua latou o i le ala, ona fai mai lea o le tasi ia te ia, "Ou te mulimuli atu ia te oe i mea uma e te maliu i ai."

A ua fetalai atu Iesu ia te ia, "Ina tuu ia i e ua oti e tanu e le tagata oti, a o oe, e te alu ma talai atu le malo o le Atua."

'Ua fetalai atu Iesu ia te ia, "O le tago lona lima i le suotosina, ma tepa i tua, e le tatau ia i le Malo o le Atua."

Ona fetalai atu lea o Iesu i le mataupu e (18:29-30), "Ona fetalai atu lea o ia ia te i latou, Ai se tagata ua tuua e ia le fale, po o le fanau, ona uso, po o matua, po o le fanau, ona o le Malo o le Atua, e maua e ia o measautualasi i nei ona po, o le ola faavavau foi i le olaga atali."

E maveaga oti lea a Iosua lea na faia ia Isaraelu, e pei ona fai mai ai le tusi a Iosua  ia (Iosua 24:14-28) (1) Mata'u i le Atua, (2) Auauna i le Atua, (3) ma le Loto atoa i ai, (4) ma le Faamaoni. E mafai ai ona tuu i tua tupua a atunuu e siosiomia Isaraelu ina ua taunuu i le totonu o Kanana, ua aumai a latou tupua i tagata Isaraelu e ifo i ai, pei o tupua e aumai faanana i totonu o Isaraelu e ifo i ai tagata ua latou taliaina.

Le taitai lelei o Iosua, le na faia pea lana tulaga faata'ita'i ia Isaraelu, e maliu Iosua ua faamama 'ese uma tupua na i a latou lau'ele'ele, ua usita'i uma tagata Isaraelu e mea na fai atu i ai Iosua.

O le mea na iloa e i latou, faapea lava o le alu nei lo latou Alii i luma o le 'au Farasaio e faaali lona Mamalu ma lona Iloa i le Pule e i Lagi ma mea uma la e i ai.

Ae tete'i uma le motu a tagata e 'ese le mea na fai atu ai Iesu, ae 'ese le mea na mafaufau ai o tagata, le taulaga lea ua ta'u (Luke 13:34), 'Ierusalema e, Ierusalema e, o le fasiotia perofeta, ma fetogi i maa e na aauina atu ia te oe, po ua faafia ona ou manao e faapotopoto i lau fanau, e pei o le moa ona ofaofatai i lana toloai i lalo i ona apaau, a e le mafaifai outou.'

Faaaoao i ai ona e maua lea o le mea e aoga i lou ola tautua i le Atua i mea uma e te aoga ai, e te fai mea e te mafaia, ma mea e le aoga ai le taumate, e te nofo lelei i lalo ma e mafaufau muamua i ai.

E aua ai le tauleagaina mea tau ia oe lava, e aua foi nei faavalea lou fuafua e aua ai nei e faasoasoa lelei, ia lelei i totonu ma ia e lelei i lou mafaufau, E LE FAIGOFIE LE AVEA MA TAITAI LELEI. Amene.